சினிமா செய்திகள்
கேம் ஆஃப் த்ரோன்ஸ் இறுதி சீசன் டிரைலர் ரிலீஸ்!
உலகளவில் மிகவும் பிரபலமான ஹெச்.பி.ஓவின் தொடரான கேம் ஆஃப் த்ரோன்ஸ், தனது இறுதி அத்யாயத்தை வெளியிட உள்ளது. இது ஒரு சீரியலா அல்லது படமா என்று பிரமிக்கும் அளவுக்கு இதன் மேக்கிங் மற்றும் தயாரிப்பு பணிகள் அதீத பொருட்செலவில் உருவாக்கப்பட்டு வருகின்றன.
வரும் ஏப்ரல் 14ம் தேதியில், கேம் ஆஃப் த்ரோன்ஸின் 8வது மற்றும் இறுதி அத்தியாயம் தொடங்குகிறது. அதற்கான அதிகாரப்பூர்வ டிரைலர் தற்போது வெளியிடப்பட்டு, 10 மணி நேரத்துக்குள் 1.4 கோடி பார்வையாளர்களை கடந்து உலகளவில் யூடியூப் டிரெண்டிங்கில் முதலிடத்தில் உள்ளது.
இந்த சீசனுக்காக உலகமெங்கும் உள்ள ரசிகர்கள் முதல் பிரபலங்கள் வரை பல நாட்களாக காத்துக்கிடப்பது குறிப்பிடத்தக்கது.
