சினிமா செய்திகள்
கொலைகாரன் முதல் பார்வை வெளியீடு!
இசையமைப்பாளராக இருந்து பல வெற்றிப்படங்களுக்கு இசையமைத்து வந்த விஜய் ஆண்டனி, நடிகராக மாறி, தற்போது, அரை டஜன் படங்களுக்கு மேல் வரிசைக் கட்டி நடித்துக் கொண்டிருக்கிறார்.
நேற்று முன் தினம், அவரது நடிப்பில் உருவாகவுள்ள காக்கி படத்தின் முதல் பார்வை போஸ்டர்கள் வெளியானது. இந்நிலையில், தற்போது, ரிலீசுக்கு தயாராகியுள்ள கொலைகாரன் படத்தின் முதல்பார்வையை நடிகர் விஜய் ஆண்டனி தனது ட்விட்டர் பக்கத்தில் வெளியிட்டுள்ளார்.
மேலும், விரைவில் கொலைகாரன் படத்தின் பாடல்கள் வெளியீட்டு விழா, நடைபெறவுள்ளதையும், விஜய் ஆண்டனி அறிவித்துள்ளார்.
இயக்குநர் ஆண்ட்ரூ லூயிஸ் இயக்கத்தில் உருவாகவுள்ள இந்த படத்தில் விஜய் ஆண்டனிக்கு வில்லனாக நடிகர் அர்ஜுன் நடித்துள்ளார். ஸ்டார் விஜய் இந்த படத்திற்கான டிஜிட்டல் உரிமையை பெற்றுள்ளது. மேலும், மீடியா பார்ட்டனராகவும் செயல்பட்டு வருகிறது.
கடந்த ஆண்டு விஷாலின் இரும்புத்திரை படத்தில் அர்ஜுன் வில்லனாக நடித்திருந்தார். அந்த படம் மாபெரும் வெற்றியை பெற்ற நிலையில், தற்போது விஜய் ஆண்டனி படத்தில் அர்ஜுன் நடித்துள்ளார்.