சினிமா
பிக்பாஸ் கலவரம்: மரியாதையில்லாமல் பேசிய அபிராமியை சேரை தூக்கி அடிக்க பாய்ந்த முகின்!
பிரபல தமிழ் தொலைக்காட்சியில் நடிகர் கமல் ஹாசன் தொகுத்து வழங்கும் பிக் பாஸ் நிகழ்ச்சியின் சீசன் மூன்று தற்போது நடைபெற்று வருகிறது. அதில் இன்றைய புரோமோவில் பிக் பாஸ் வீட்டில் உள்ள அபிராமியை முகின் சேரை தூக்கி அடிக்க பாயும் வீடியோ வெளியாகி உள்ளது.
பிக் பாஸ் வீடு நேற்று பிக் பாஸ் ஹோட்டலாக மாற்றப்பட்டது. இதில் சிறப்பு விருந்தாளியாக மீண்டும் அங்கு நுழைந்தார் வனிதா. இந்த நிகழ்ச்சியில் இருந்து வெளியேற்றப்பட்ட வனிதா மீண்டும் அங்கு விருந்தினராக சென்றுள்ளது நிகழ்ச்சியின் சுவாரஸ்யத்தை கூட்டியுள்ளது. அதிரடிகளுக்கு பெயர்போன வனிதா வந்த உடனே தனது அதிரடிகளை ஆரம்பித்துவிட்டார். நேற்றைய தினம் பிக் பாஸ் வீட்டில் உள்ளவர்களை ஒவ்வொருவராக தனது கேள்விகளால் வனிதா கலங்கடித்தார்.
இந்நிலையில் இன்று வெளியான புரோமோவில் அபிராமியை அழைத்து பேசும் வனிதா முகின் குறித்து பேசுகிறார். அப்போது சில அட்வைஸ் வழங்கும் வனிதா முகின் குறித்து சில விஷயங்களை அபிராமியிடம் கூறி பற்றவைக்கிறார். இதனையடுத்து ஹாலில் அனைவரும் இருக்கும் போது அபிராமிக்கும் முகினுக்கும் இடையே சண்டை ஆரம்பிக்கிறது.
இந்த சண்டையின் போது மிகவும் ஆவேசமாக பேசும் அபிராமி ஒரு கட்டத்தில் தன்னிலை மறந்து முகினை வாடா போடா என மரியாதையில்லாமல் பேச ஆரம்பிக்கிறார். இதனால் உடனடியாக கோபப்படும் முகின் வழக்கம் போல சத்தம் போட்டுக்கொண்டு தான் இருந்த சேரை தூக்கி அபிராமியை அடிக்க பாய்கிறார். இதனால் பதற்றமான மற்ற போட்டியாளர்கள் அவரை பிடித்து சமாதானம் செய்ய முயல்கின்றனர். இந்த புரோமோ வெளியாகி பிக் பாஸ் வீடு இன்று கலவரமாக உள்ளது என்பதை காட்டியுள்ளது.