சினிமா செய்திகள்
பெண் சூப்பர் ஹீரோவா நடிச்சா பாக்ஸ் ஆபிஸ் வராதா? 3000 கோடி வசூல் அள்ளிய கேப்டன் மார்வெல்!
மார்வெல் உலகின் முதல் பெண் சூப்பர் ஹீரோ படமான கேப்டன் மார்வெல் கடந்த வெள்ளியன்று மகளிர் தின கொண்டாட்டமாக ரிலீஸ் ஆனது.
பெண்கள் சூப்பர் ஹீரோவாக நடித்தால் படம் ஓடாது என்ற மாயையை இந்த படத்தின் மூலம் மார்வெல் தகர்த்துள்ளது. உலகளவில் பிரம்மாண்ட ஓபனிங் ஆன ஆறாவது பெரிய படமாக கேப்டன் மார்வெல் மாறியுள்ளது.
கேப்டன் மார்வெல் திரைப்படம் முதல்வாரத்தில் 455 மில்லியன் டாலர் அதாவது இந்திய மதிப்பில் 3000 கோடி ரூபாய் வசூலித்து சாதனை படைத்துள்ளது. இந்தியாவில் மட்டும் 50 கோடி ரூபாய் வசூலை அள்ளியுள்ளது.
அடுத்த மாதம் மார்வெலின் அவெஞ்சர்ஸ் எண்ட்கேம் ரிலீஸ் ஆக உள்ள நிலையில், இரண்டு படங்களின் வசூலும் மார்வெல் தயாரிப்பு நிறுவனத்துக்கு மாபெரும் வசூலை ஈட்டித் தர உள்ளது.
டிஸ்னி நிறுவனம் சார்பில் சமீபத்தில் வெளியான ஆக்வாமேன் ஓரளவுக்கு நல்ல வசூலை பெற்றிருந்தாலும், மார்வெலுடன் டிஸ்னி போட்டியிட அடுத்து எந்த சூப்பர் ஹீரோவை களமிறக்க போகிறது என்று டிஸ்னி ரசிகர்கள் ஆர்வமாக காத்துக் கிடக்கின்றனர்.
ஆனால், தொடர் வெற்றியால் மார்வெல் ரசிகர்கள் டிஸ்னி ரசிகர்களை ட்ரோல் செய்து கலாய்த்து தள்ளி வருகின்றனர்.