விவசாயிகளுக்கு ஆதரவளித்த சர்வதேச பிரபலங்களை எதிர்த்து இந்து அமைப்பினர் போராட்டம் – சிம்பிளாக கலாய்த்த மியா!

டெல்லியில் வேளாண் சட்டங்களுக்கு எதிராக நடந்து வரும் விவசாயிகள் போராட்டத்துக்கு ஹாலிவுட் நடிகை ரிஹானா, சுற்றுச்சூழல் செயற்பாட்டாளர் கிரெட்டா தன்பெர்க், மற்றும் போர்ன் பட நடிகை மியா கலிஃபா, அமெரித்த துணை அதிபர் கமலா ஹாரிஸின் உறவினர் மீனா ஹாரிஸ் ஆகியோர் ஆதரவு தெரிவித்துள்ளது பெரும் பரபரப்பை ஏற்படுத்தியுள்ளது. இதற்கு இந்தியாவில் இருக்கும் வலதுசாரி ஆதரவாளர்கள் மற்றும் பாஜக அரசின் ஆதரவாளர்கள் எதிர்ப்பு தெரிவித்து எதிர் கருத்து கூறி வருகிறார்கள்.

இந்நிலையில் ஐக்கிய இந்து முன்னணி அமைப்பினர் நேற்று புது டெல்லியில், ரிஹானா, கிரெட்டா, மியா மற்றும் மீனா ஆகியோரின் உருவ பொம்மையை எரிக்கும் போராட்டத்தில் ஈடுபட்டனர். இது குறித்தான புகைப்படங்கள் சர்வதேச அளவில் டிரெண்ட் ஆனது.

இந்தப் போராட்டம் குறித்து மியா கலிஃபா, ‘நீங்கள் என்ன தான் போராட்டம் செய்தாலும் நான் விவசாயிகளுக்கு ஆதரவாகத் தான் இருப்பேன்’ என்று நெத்தியடி ட்வீட் போட்டுள்ளார்.

அதேபோல மீனா, ‘நான் இந்தப் போராட்டங்களுக்கு அஞ்சப் போவதில்லை. விவசாயிகளுக்கு ஆதரவாகவே இருப்பேன்’ என்று திட்ட வட்டமாக கூறியுள்ளார்.

கிரெட்டாவும், ‘எப்படிப்பட்ட வெறுப்பும், மிரட்டலும் என் நிலைப்பாட்டை மாற்ற வைக்காது. விவசாயிகளின் அமைதியான போராட்டத்துக்கு என் முழு ஆதரவு உண்டு’ என்றுள்ளார்.