சினிமா செய்திகள்
யூரோ கால்பந்து போட்டியிலும் ‘வலிமை’ அப்டேட் கேட்ட அஜித் ரசிகர்கள்!
கடந்த சில வாரங்களாக யூரோ கால்பந்து போட்டி நடைபெற்று வருகிறது என்பதும் உலகம் முழுவதும் மிக அதிகமானோர் பார்க்கப்படும் இந்த போட்டி தற்போது இறுதி கட்டத்தை எட்டி உள்ளது என்பதும் தெரிந்ததே.
நேற்று நடைபெற்ற முதல் அரையிறுதி போட்டியில் இத்தாலி அணி வெற்றி பெற்று இறுதிப் போட்டிக்கு தகுதி பெற்றது என்பதும் இன்று நடைபெற்ற இரண்டாவது அரையிறுதி போட்டியில் இங்கிலாந்து அணி வெற்றி பெற்று இறுதிப் போட்டிக்கு தகுதி பெற்றது என்பதும் குறிப்பிடத்தக்கது. வரும் திங்கள்கிழமை நடைபெறும் இறுதிப்போட்டியில் இத்தாலி மற்றும் இங்கிலாந்து அணி மோத உள்ளது என்பதும் இந்த போட்டியில் வெல்லும் அணியே யூரோ சாம்பியன் பட்டம் வெல்லும் என்பது குறிப்பிடத்தக்கது.
இந்த நிலையில் யூரோ கால்பந்து போட்டி லண்டனில் தற்போது நடைபெற்று வருவதை அடுத்து பார்வையாளர்களும் அனுமதிக்கப்பட்டுள்ளனர். இங்கிலாந்தில் தற்போது கொரோனா வைரஸ் பாதிப்பு கட்டுப்படுத்தப்பட்டதை அடுத்து பார்வையாளர்கள் அனுமதிக்கப்பட்டு உள்ளனர் என்பதும் இந்த போட்டிகளை பார்க்க ஏராளமான பார்வையாளர்கள் வந்து கொண்டிருந்தனர் என்பதும் குறிப்பிடத்தக்கது.
இந்த நிலையில் நேற்று நடைபெற்ற டென்மார்க் மற்றும் இங்கிலாந்து அணிக்கு இடையிலான அரையிறுதிப் போட்டி விறுவிறுப்பாக நடைபெற்றுக் கொண்டிருந்தபோது திடீரென அஜித் ரசிகர் ஒருவர் ’வலிமை’ அப்டேட் கேட்டு பதாகை ஒன்றை கையில் ஏந்திய புகைப்படம் வைரலாகி வருகிறது.
இந்த போட்டியை உலகம் முழுவதும் கால்பந்து ரசிகர்கள் பார்த்து வருகின்றனர் என்பதால் இந்த பதாகையை பார்த்த பலர் ’வலிமை அப்டேட்’ என்றால் என்ன என்ற கேள்வியை எழுப்பி வருகின்றனர். தமிழகத்தில் உள்ள ரசிகர்களுக்கு மட்டுமே வலிமை அப்டேட் என்றால் என்ன என்று தெரியும் என்பதும், ஆனால் வெளிநாட்டு உள்ளவர்களுக்கும் தற்போது வலிமை என்றால் என்ன என்பது குறித்து தமிழக ரசிகர்கள் விளக்க தொடங்கி விட்டார்கள் என்பது குறிப்பிடத்தக்கது. அஜித்தின் வலிமை திரைப்படம் உலக அளவில் கவனத்தைப் பெற்றுள்ளதை அடுத்து இந்த படம் மிகப்பெரிய வெற்றி பெறும் என்று எதிர்பார்க்கப்படுகிறது.
