சினிமா செய்திகள்
ரஜினிகாந்த் விரைவில் வெளியிடும் அறிவிப்பு என்ன? லீக்கான தகவல்!
நடிகர் ரஜினிகாந்த் நேற்று மக்கள் மன்ற நிர்வாகிகளுடன் 2 மணிநேரம் ஆலோசனையில் ஈடுபட்டார். பின்னர் செய்தியாளர்களைச் சந்தித்த ரஜினிகாந்த் விரைவில் முக்கிய அறிவிப்பை வெளியிடுவேன் என்று தெரிவித்து இருந்தார்,
கூட்டத்தில் பங்கேற்ற மக்கள் மன்ற நிர்வாகிகள் நாளை ரஜினிகாந்த் தரப்பிலிருந்து முக்கிய அறிவிப்பு வெளியாகும் என்று தெரிவித்தனர்.
இந்நிலையில் ரஜினிகாந்த் விரைவில் வெளியிடப்போகும் முக்கிய அறிவிப்பு என்ன என்ற தகவல்கள் வெளியாகியுள்ளன.
ரஜினிகாந்த் வெளியிடவுள்ள அறிவிப்பில், கொரோனா வைரஸ் தாக்கம் உள்ள சூழலில் அரசியல் கட்சி தொடங்குவது சரியானதாக இருக்காது. எனவே கொரோனா வைரஸ் தொற்று பாதிப்பு முற்றிலும் முடிந்த பிறகு அரசியலில் ஈடுபடுவது குறித்து முடிவு எடுக்கலாம். அதுவரை ரஜினி மக்கள் மன்ற நற்பணிகள் தொடரட்டும் என்று தெரிவிக்க அதிக வாய்ப்புள்ளதாகக் கூறப்படுகிறது.
ரஜினி விரைவில் அரசியல் கட்சி தொடங்குவார் என்று எதிர்பார்க்கும் அவரது ரசிகர்களுக்கு, இந்த தகவல் அதிருப்தி அடையச் செய்துள்ளதாகவும் கூறப்படுகிறது. எனவே 2021 சட்டமன்றத் தேர்தலுக்கு முன்பு ரஜினிகாந்த் கட்சி தொடங்கமாட்டார் என்றே விவரம் அறிந்தவர்கள் கூறுகின்றனர்.