தமிழ்நாடு
பாஜக எம்எல்ஏக்கு தூண்டில் போடும் எடப்பாடி பழனிசாமி!
![Edappadi Palanisami - Bhoomitoday](https://www.bhoomitoday.com/wp-content/uploads/2023/04/Edappadi-Palanisami.jpg)
திருநெல்வேலி சட்டமன்ற உறுப்பினரான பாஜக நயினார் நாகேந்திரன் அதிமுகவில் இருந்து பாஜகவில் இணைந்தவர். இவர் தற்போது மீண்டும் அதிமுகவில் இணைவதற்கு அழைப்பு விடுக்கப்பட்டதாக வரும் தகவலுக்கு அதிமுக பொதுச்செயலாளர் எடப்பாடி பழனிசாமி பதில் அளித்துள்ளார்.
![Nayanar-Nagendran - Bhoomitoday](https://www.bhoomitoday.com/wp-content/uploads/2023/04/Nayanar-Nagendran-1024x683.jpg)
பாஜக சட்டமன்ற உறுப்பினர் நயினார் நாகேந்திரன் அதிமுகவில் இருந்து விலகியது வருத்தம் தான் என கூறியிருந்தார். இந்நிலையில் அவருக்கு அதிமுகவில் இணைய அழைப்பு விடுக்கப்பட்டுள்ளதாக அரசியல் வட்டாரத்தில் பேசப்படுகிறது. இந்நிலையில் சேலத்தில் செய்தியாளர்களை சந்தித்த அதிமுகவின் எடப்பாடி பழனிச்சாமியிடம் செய்தியாளர்கள் இது தொடர்பாக கேள்வி எழுப்பினர்.
இதற்கு பதில் அளித்த எடப்பாடி பழனிச்சாமி, நாங்கள் அதிமுகவில் இருந்து வெளியேறிய ஒரு சிலரைத் தவிர அனைவருக்கும் மீண்டும் கழகத்தில் இணைவதற்கான அழைப்பு விடுத்துள்ளோம். ஒரு கட்சியில் இருந்து மற்ற கட்சிக்கு இணைவது அவரவர் விருப்பத்தைப் பொறுத்தது. அது ஜனநாயகம் என்று பதில் அளித்தார். நயினார் நாகேந்திரன் தொடர்பான கேள்விக்கு மறுப்பு எதுவும் தெரிவிக்காமல் பொதுப்படையாக எடப்பாடி பழனிசாமி பதில் அளித்தது சந்தேகத்தை மேலும் வலுவாக்கியுள்ளது.