சினிமா செய்திகள்
ஹாலிவுட் செல்லும் ‘த்ரிஷ்யம்’ இயக்குநர்… படமும் ரீமேக் ஆகிறதாம்..!
![drishyam - Bhoomitoday](https://www.bhoomitoday.com/wp-content/uploads/2021/02/drishyam.jpg)
மலையாளத்தில் வெளியாகி சூப்பர் ஹிட் அடித்த இயக்குநர் ஜித்து ஜோசப்பின் த்ரிஷ்யம் படம் தற்போது ஹாலிவுட்டில் ரீமேக் ஆக உள்ளது.
மலையாளத்தில் கடந்த 2013-ம் ஆண்டு வெளியான திரைப்படம் த்ரிஷ்யம். நடிகர் மோகன்லால் நாயகனாகவும் நடிகை மீனா நாயகியாகவும் நடித்திருந்த இந்தப் படம் கேரளாவில் மட்டுமல்லது இந்திய அளவில் மிகவும் பிரபலம் அடைந்தது. அதையடுத்து த்ரிஷ்யம் படம் தமிழில் கமல்ஹாசன்- கெளதமி நடிப்பில் பாபநாசம் என்றும் ஹிந்தியில் நடிகர் அஜ்ய தேவ்கன்-நடிகை ஸ்ரேயா நடிப்பில் ரீமேக் செய்யப்பட்டது.
இதன் மூலம் மூலக்கதையின் இயக்குநர் ஜித்து ஜோசப் மிகவும் பிரபலம் அடைந்தார். தற்போது புதிய தகவல் என்னவென்றால் த்ரிஷ்யம் திரைப்படம் ஹாலிவுட்டில் ரீமேக் ஆக உள்ளதாம். அதுவும் இயக்குநர் ஜித்து சோசப் தான் ஹாலிவுட் படத்துக்கான கதை குழுவிலும் இடம் பெற்றுள்ளாராம். வேறு ஒரு இயக்குநர் தான் ஆங்கிலத்தில் இந்தப் படத்தை இயக்க உள்ளார்.
ஆனால், கதையை ஆங்கிலத்தில் எழுதிக் கொடுத்துள்ளது இயக்குநர் ஜித்து ஜோசப் தான். இந்தியாவில் கதாநாயகனை மையமாகக் கொண்டு வெளியாகிய த்ரிஷ்யம் படம் ஹாலிவுட்டில் கதாநாயகியை மையமாகக் கொண்டு எடுக்கப்பட உள்ளதாம். ஹாலிவுட் கதாநாயகியும் இரண்டு முறை ஆஸ்கர் விருது வெற்றியாளருமான ஹிலாரி ஸ்வாங் இந்தப் படத்தில் கதாநாயகி ஆக நடிப்பார் எனக் கூறப்படுகிறது.
வருகிற பிப்ரவரி 19-ம் தேதி அமேசான் ப்ரைம் தளத்தில் த்ரிஷ்யம் இரண்டாம் பாகம் வெளியாக உள்ளது என்பது குறிப்பிடத்தக்கது.