பாஜகவின் ‘பி’ டீம் திமுக தான்: கமல்ஹாசன் ஆவேச பேச்சு!

தன்னை பாஜகவின் ‘பி’ டீம் என கூறிக் கொண்டிருக்கிறார்கள் என்றும் இதனால் வந்த கோபத்தை நான் அடக்கிக்கொண்டு இருந்தேன் என்றும் உண்மையில் பாஜகவின் ‘பி’ டீம் திமுக தான் என்றும் கமலஹாசன் பேசியிருப்பது பெரும் பரபரப்பை ஏற்படுத்தி உள்ளது.

மக்கள் நீதி மய்யம் கட்சியின் தலைவரான கமல்ஹாசன் கடந்த இரண்டு நாட்களாக மீண்டும் தேர்தல் பிரச்சாரம் செய்து வருகிறார். நேற்று அவர் சென்னையில் தேர்தல் பிரச்சாரம் செய்தபோது பாஜகவின் ‘பி’ டீம் திமுக தான் என்று தெரிவித்துள்ளார்.

இந்தியா முழுவதும் காங்கிரஸ் கட்சியை இல்லாமல் செய்ய வேண்டும் என்பதே பாஜகவின் நோக்கம் என்றும் பாஜக தலைவர்களே அடிக்கடி கூறி வருகிறார்கள் என்றும் கமல்ஹாசன் தெரிவித்தார். அந்த வகையில் பாஜகவின் போட்டி கட்சியும், தேசிய கட்சியான காங்கிரஸ் கட்சிக்கு போதுமான தொகுதிகள் அளித்து கெளரவிக்காமல், குறைந்து தொகுதிகள் கொடுத்து அந்த கட்சியை அழிக்க நினைக்கும் கட்சி திமுக தான் என்றும் அதனால் திமுகதான் பாஜகவின் ‘பி’ டீம் என்றும் கமல்ஹாசன் கூறியுள்ளார்.

மேலும் தன்னை பாஜகவின் ‘பி’ டீம் என்று கூறிக் கொண்டிருக்கும் போதெல்லாம் தனது கோபம் அதிகமாக வந்தது என்றும் அந்த கோபத்தை அடக்கி, தற்போது வெளிப்படுத்தி உள்ளேன் என்றும் அவர் தெரிவித்துள்ளார்.

பாஜகவின் ‘பி’ டீம் திமுக தான் என கமல்ஹாசன் கூறியதற்கு திமுக தலைவர்கள் என்ன பதில் அளிக்க போகிறார்கள் என்பதை பொறுத்திருந்து பார்ப்போம்.