தமிழ்நாடு
விஜயகாந்துக்கு என்ன ஆச்சு? திடீரென அமெரிக்கா செல்வதால் பரபரப்பு!
தேமுதிக தலைவர் விஜயகாந்த் சிகிச்சைக்காக அமெரிக்கா செல்ல இருப்பதாக வெளிவந்திருக்கும் தகவல் பெரும் பரபரப்பை ஏற்படுத்தி உள்ளது.
தேமுதிக தலைவர் விஜயகாந்த் அவர்கள் கடந்த சில வருடங்களுக்கு முன்னர் உடல்நலக்குறைவு காரணமாக சிகிச்சை மேற்கொண்டார். ஏற்கனவே அவர் அமெரிக்காவில் சிகிச்சை மேற்கொண்டு பின்னர் சென்னை திரும்பிய நிலையில் மீண்டும் அவரது உடல்நிலை பாதிக்கப்பட்டதால் சென்னை மருத்துவமனையில் சிகிச்சை பெற்று வந்தார். மேலும் அவர் கடந்த சில மாதங்களுக்கு முன்னர் கொரோனா வைரசால் பாதிக்கப்பட்டு பின்னர் குணமடைந்தார் என்பது குறிப்பிடத்தக்கது.
இந்த நிலையில் இன்று அதிகாலை 4 மணிக்கு தேமுதிக தலைவர் விஜயகாந்த் அமெரிக்கா செல்வதாக தகவல் வெளியானது. ஆனால் அவர் அந்த விமானத்தில் பயணம் செய்யவில்லை என்றும் இன்று காலை பத்து முப்பது மணிக்கு கிளம்பிய விமானத்தில் விஜயகாந்த் மற்றும் அவரது மனைவி பிரேமலதா விஜயகாந்த் ஆகியோர் அமெரிக்கா சென்று உள்ளதாக தகவல்கள் வெளிவந்துள்ளன.
அமெரிக்காவில் விஜயகாந்துக்கு வழக்கமான பரிசோதனை செய்யப்படும் என்றும் ஒரு சில சிகிச்சைகள் மேற்கொள்ளப்படும் என்றும் தேமுதிக வட்டாரங்கள் கூறுகின்றன. தேமுதிக தலைவர் விஜயகாந்த் உடல்நிலை சிகிச்சைக்காக மீண்டும் அமெரிக்கா சென்றுள்ள நிலையில் அவர் விரைவில் குணமடைந்து பழைய விஜயகாந்த் போல் திரும்ப வேண்டும் என அவரது கட்சி தொண்டர்கள் வாழ்த்து தெரிவித்து வருகின்றனர்.
இந்த நிலையில் வரும் உள்ளாட்சி தேர்தல் விஜயகாந்தின் தேமுதிக, திமுகவுடன் கூட்டணி அமைக்க வாய்ப்பு இருப்பதாக கூறப்படுகிறது.
