கிசு கிசு
மீண்டும் இணையும் யுவன், ராஜேஷ், ஜீவாவின் எஸ்எம்ஸ் கூட்டணி?
ராஜேஷ் இயக்கத்தில் ஜீவா, சந்தானம் நடிப்பில், யுவன் ஷங்கர் ராஜா இசையில் வெளியான திரைப்படம் சிவா மனசுல சக்த. இந்த படம் மாபெரும் வரவேற்பை பெற்றது. குறிப்பாக யுவனின் இசையில் வெளியான ஒரு கல் ஒரு கண்ணாடி என்ற பாடல் இளைஞர்கள் மத்தியில் இன்று வரை பாடப்பட்டு வருகிறது.
இதனையடுத்து ராஜேஷ் இயக்கத்தில் அடுத்தடுத்து வெளியான பாஸ் என்கிற பாஸ்கரன், ஒரு கல் ஒரு கண்ணாடி உள்ளளிட்ட திரைப்படங்களும் சக்கை போடு போட்டன. இதனால் ராஜேஷ் இயக்கவிருக்கும் திரைப்படம் மீது ரசிகர்கள் தனி கவனம் செலுத்தி வருகிறார்கள்.
இந்த நிலையில், எஸ்எம்எஸ் பட கூட்டணி தற்போது மீண்டும் இணைய வாய்ப்புள்ளதாக கூறப்படுகிறது. ஒருவேளை மீண்டும் இணைந்தால், அந்த படத்தின் படப்பிடிப்பு 2021 இல் தொடங்கப்படும் என்று எதிர்பார்க்கப்படுகிறது.
எஸ்எம்எஸ் படத்தில் யுவன் ஷங்கர் ராஜா இசையமைத்து இருந்தார். அதே ஸ்டைலில், அதே பாணியில் மீண்டும் ஒரு படம் அமைந்தால் வெற்றிக்கு பஞ்சமில்லை.
