சினிமா செய்திகள்
தனுஷ் ‘ராட்சசன்’ ராம்குமார் இணையும் படத்தின் டைட்டில் என்ன தெரியுமா?
தமிழ் சினிமாவில் முன்னணி நடிகராக வலம் வருபவர் தனுஷ். தமிழ் மட்டுமல்லாமல் அவ்வப்போது இந்தி படங்களில் தனுஷ் நடித்து வருகிறார்.
தனுஷ் நடிப்பில் ஜகமே தந்திரம் படம் ரிலீஸ்க்கு தயாராக உள்ளது. இந்தியில் அற்றாங்கி ரே என்ற படத்திலும், தமிழில் கர்ணன் படத்திலும் நடித்து வருகிறார்.
இந்த படங்களை தொடர்ந்து சத்ய ஜோதி பிலிம்ஸ் தயாரிப்பில் தொடர்ந்து இரண்டு படத்தில் நடிக்க உள்ளார். அதில் ஒரு படத்தை கார்த்தில் நரேனும், மற்றொரு படத்தை ராட்சசன் பட இயக்குநர் ராம் குமார் இயக்கத்தில் தனுஷ் நடிக்க உள்ளார்.
இந்நிலையில் ராம்குமார் இயக்கத்தில் தனுஷ் நடிக்கும் படத்திற்கு வால் நட்சத்திரம் என்று பெயரிடப்பட்டுள்ளது. இது ஒரு சயிண்டிஃபிக் திரில்லர் கதை என்றும் தகவல்கள் கூறுகின்றன.
இவை மட்டுமல்லாமல் சன் பிக்சர்ஸ் தயாரிப்பில் மித்ரன் ஜவகர் இயக்கும் ஒரு படத்திலும் தனுஷ் நடிக்க உள்ளார்.