‘மாஸ்டர்’ ரிலீஸ் குறித்து தனுஷின் வைரல் போஸ்ட்!

தளபதி விஜய் நடிப்பில் உருவாகியுள்ள ‘மாஸ்டர்’ திரைப்படம் வரும் ஜனவரி 12 ஆம் தேதி, சினிமா தியேட்டர்களில் ரிலீஸ் செய்யப்பட உள்ளது. இதன் மூலம் திரையரங்குகளில் மீண்டும் ரசிகர்களின் படையெடுப்பு அதிகரிக்கும் என்று எதிர்பார்க்கப்படுகிறது. கொரோனா வைரஸ் தொற்று காரணமாக 6 மாத காலம் மூடப்பட்டிருந்த திரையரங்குகள் இரண்டு மாதங்களுக்கு முன்னர் திறக்கப்பட்டன. இருப்பினும் பெரிய ஹீரோ படங்கள் எதுவும் ரிலீஸாகததால் திரையங்குகளில் மக்கள் கூட்டம் எதிர்பார்த்த அளவுக்கு வரவில்லை. இந்நிலையில், மாஸ்டர் வெளியீடு இந்த விஷயத்தை மாற்றும் என்று எதிர்பார்க்கப்படுகிறது.

இது குறித்து நடிகர் தனுஷ், ‘விஜய் சாரின் மாஸ்டர் ஜனவரி 13 ஆம் தேதி வெளியாகிறது. இது சினிமா விரும்பிகளுக்கு மிக மகிழ்ச்சியான செய்தியாகும். மீண்டும் நண்பர்கள் மற்றும் குடும்பத்தினருடன் படம் பார்ப்பது, தியேட்டர் கலாச்சாரத்தை மீண்டும் உயிர்ப்பிக்கும் என்று நம்புகிறேன். தியேட்டர் அனுபவத்துக்கு ஈடு இணையானது எதுவும் கிடையாது. அனைத்துவித முன்னெச்சரிக்கை நடவடிக்கைகளையும் எடுத்துக் கொண்டு தியேட்டர்களில் சினிமா பாருங்கள்’ என்று கூறியுள்ளார்.

தற்போது தமிழகத்தில் திரையரங்குகள் திறக்கப்பட்டு இருந்தாலும், 50 சதவீத இருக்கைகள் மட்டுமே நிரப்பிக் கொள்ள தமிழக அரசு அனுமதி அளித்துள்ளது. இதை மேலும் அதிகரிக்கக் கோரி, சில நாட்களுக்கு முன்னர் தமிழக முதல்வர் எடப்பாடி பழனிசாமியை நேரில் சந்தித்து வலியுறுத்தினார் விஜய்.