வீடியோ
தனுஷுடன் மோதும் விஜய்சேதுபதி!
விஜய்சேதுபதி நடிப்பில் உருவாகியுள்ள சிந்துபாத் படம் வரும் வெள்ளிக்கிழமையான ஜூன் 21ம் தேதி வெளியாகிறது. தனுஷ் நடிப்பில் உருவான ஹாலிவுட் படத்தின் தமிழ் டப்பிங் படமான பக்கிரி படமும் ஜூன் 21ம் தேதி வெளியாகிறது.
பண்ணையாரும் பத்மினியும், சேதுபதி படங்களை இயக்கிய அருண்குமார் இயக்கத்தில் விஜய்சேதுபதி, அஞ்சலி நடித்துள்ள சிந்துபாத் படம் கடந்த மாதம் மிஸ்டர் லோக்கல் படத்திற்கு போட்டியாக வெளியாகும் என எதிர்பார்க்கப்பட்ட நிலையில், படம் தள்ளி வைக்கப்பட்டது. தற்போது இந்த படம் வரும் ஜூன் 21ம் தேதி வெளியாகும் என அதிகாரப்பூர்வமாக அறிவிக்கப்பட்டு படத்தின் புதிய டிரைலரும் வெளியாகியுள்ளது.
சிவகார்த்திகேயனுடன் போட்டி தவிர்க்கப்பட்ட நிலையில், நானும் ரவுடிதான் படத்தை தயாரித்த தனுஷுடனே விஜய்சேதுபதி இந்த வாரம் மோதவுள்ளார்.
யுவன் சங்கர் ராஜா இசையில் உருவாகியுள்ள சிந்துபாத் படத்தின் டிரைலர் ரசிகர்களை வெகுவாக ஈர்த்து வருவதால், இந்த வார வெற்றி அநேகமாக ப்யூர் தமிழ் படமான சிந்துபாத் பக்கம் செல்ல அதிக வாய்ப்பு இருப்பதாக தெரிகிறது.