சினிமா செய்திகள்
முதல்முறையாக சாதனை செய்த தனுஷ் படம்: ‘கர்ணன்’ முதல் நாள் வசூல்!
தனுஷ் நடிப்பில் மாரி செல்வராஜ் இயக்கத்தில் உருவான ‘கர்ணன்’ திரைப்படம் நேற்று வெளியான நிலையில் நேற்று கிட்டத்தட்ட அனைத்து ஊடகங்களும் இந்த படத்திற்கு பாசிட்டிவ் விமர்சனங்கள் கொடுத்தன என்பது குறிப்பிடத்தக்கது.
அதேபோல் ரசிகர்கள் சமூக வலைதளங்களில் இந்த படத்தை கொண்டாடி மகிழ்ந்தனர் என்பதும், தனுஷின் நடிப்பு, மாரி செல்வராஜின் இயக்கம் சந்தோஷ் நாராயணனின் பின்னணி இசை மற்றும் இந்த படத்தில் நடித்துள்ள லால், ஐஸ்வர்யா லட்சுமி உள்பட அனைத்து நடிகர்களும் கேரக்டராகவே மாறி இருந்தனர் என்றும் படம் வேற லெவல் இருப்பதாகவும் ரிசல்ட்டுகள் வெளியானது.
இந்த நிலையில் தனுஷ் படங்களிலேயே இதுவரை இல்லாத அளவிற்கு முதல் நாள் வசூல் பெற்றுள்ளதாக சற்று முன் வெளியான தகவல் தெரிவிக்கிறது. தனுஷின் ‘கர்ணன்’ திரைப்படம் நேற்று ஒரே நாளில் தமிழகத்தில் மட்டும் 10.39 கோடி வசூல் செய்யப்பட்டுள்ளதாக தகவல்கள் வெளிவந்துள்ளன. இதற்கு முன் தனுஷின் எந்த படமும் இந்த அளவுக்கு வசூல் செய்யவில்லை என்பதும், 10 கோடியைத் தாண்டிய முதல் நாள் வசூல் இந்த படம் தான் என்றும் கூறப்படுகிறது.
மேலும் இந்த படம் உலகம் முழுவதும் ரூபாய் 100 கோடி வசூலை எட்டுவதற்கு அதிக வாய்ப்பு இருப்பதாகவும் தனுஷின் மாபெரும் வெற்றிப்படமாக ‘கர்ணன்’ அமையும் என்றும் கூறப்படுகிறது. இதனை அடுத்து தனுஷ் மற்றும் மாரிசெல்வராஜ் மார்க்கெட் கோலிவுட்டில் உச்சத்திற்கு செல்லும் என்று கூறப்படுகிறது.