சினிமா
96 படத்தில் நீக்கப்பட்ட காட்சியை வெளியிட்ட படக்குழு: ஜானுவுக்கு ராம் கொடுத்த சர்ப்ரைஸ்! (வீடியோ இணைப்பு)
சமீபத்தில் நடிகர் விஜய் சேதுபதி மற்றும் த்ரிஷா நடித்த 96 திரைப்படம் வெளியாகி பெரும் வரவேற்பை பெற்றது. விமர்சன ரீதியாகவும், வசூல் ரீதியாகவும் நல்ல பெயரை பெற்ற திரைப்படம் 96 திரைப்படம். இந்த படத்தில் நீக்கப்பட்ட காட்சி ஒன்றை நேற்று படக்குழு வெளியிட்டுள்ளது.
பள்ளி பருவத்தில் ஏற்பட்ட காதலுக்கு பின்னர் இருபது ஆண்டுகள் கழித்து சந்தித்துக்கொள்ளும் காதலர்கள் எப்படி நடந்துகொள்வார்கள் என்பதை அழுத்தமான காட்சிகளின் மூலம் உணர்வுப்பூர்வமாக 96 திரைப்படத்தில் சொல்லியிருப்பார் இயக்குநர். இதில் த்ரிஷாவின் கதாப்பாத்திரமான ஜானு கதாப்பாத்திரம் மிகவும் அழகாக செதுக்கப்பட்டிருக்கும்.
அதில் ஜானகியின் பாடல்களை மட்டும் பாடும் ஜானுவை ராம் பாடகி ஜானகி தேவியின் வீட்டுக்கு சர்ப்ரைஸாக அழைத்துச்சென்று அவர் முன்னிலையில் பாட வைக்கும் காட்சி ஒன்று படத்தில் இருந்து நீக்கியிருந்தனர் படக்குழுவினர். அந்த காட்சி இருந்திருந்தால் படத்தின் உணர்வு ஓட்டம் சற்று விலகி அந்த காட்சி மட்டும் தனித்து தெரிந்திருக்கும் என்பதால் அதனை நீக்கி இருந்ததாக கூறப்படுகிறது. இந்நிலையில் நேற்று அந்த காட்சியை படக்குழு வெளியிட்டுள்ளது.
