வணிகம்
சமையல் எரிவாயு சிலிண்டர் விலை உயர்வு.. அதிர்ச்சியில் வணிகர்கள்!
வணிக பயன்பாட்டுக்கான சமையல் எரிவாயு சிலிண்டர் விலை ரூ.73.50 உயர்ந்துள்ளது.
சென்னையில், ஆகஸ்ட் மாதம் வணிக பயன்பாட்டுக்கான 19 கிலோ எடைகொண்ட சமையல் எரிவாயு சிலிண்டர் விலை 73.50 ரூபாய் உயர்ந்து 1761 ரூபாய்க்கு விற்பனை செய்யப்படுகிறது.
Also Read: உஷார்.. இன்று முதல் இந்த ஏடிஎம் பரிவர்த்தனை கட்டணங்கள் உயர்வு!
கடந்த இரண்டு மாதங்களில் மட்டும் வணிக பயன்பாட்டுக்கான சமையல் எரிவாயு சிலிண்டர் விலை 155 ரூபாய் வரை உயர்ந்துள்ளது.
வீட்டு உபயோக சமையல் எரிவாயு சிலிண்டர் விலையில் ஆகஸ்ட் மாதம் மாற்றமில்லை என்றும் எண்ணெய் நிறுவனங்கள் அறிவித்துள்ளன.
எனவே மானியம் இல்லாத, வீட்டில் பயன்படுத்தும் 14.2 கிலோ எடை கொண்ட சமையல் எரிவாயு சிலிண்டர் விலை சென்னையில் 850.50 ரூபாய்க்கும், டெல்லியில் 834.50 ரூபாய்க்கும், கொல்கத்தாவில் 861 ரூபாய் எனவும், மும்பையில் 834.50 ரூபாய் எனவும் விற்பனை செய்யப்படுகிறது.
சர்வதேசச் சந்தையில் கச்சா எண்ணெய் விலை ஏற்றம் இறக்கத்தைப் பொருத்து, ஒவ்வொரு மாதத்தின் முதல் நாளில் சமையல் எரிவாயு சிலிண்டர் விலை மாற்றம் செய்யப்படுகிறது.
சமையல் எண்ணெய் விலை உயர்வு, பருப்பு விலை உயர்வு, சமையல் எரிவாய் சிலிண்டர் விலை உயர்வு போன்ற காரணங்களால் விரைவில் உணவகங்களில் விலை ஏற்றம் ஏற்பட அதிக வாய்ப்புள்ளது என்றும் வணிகர்கள் கூறுகின்றனர்.