சினிமா செய்திகள்
’நல்லவேளை, நான் ‘மாஸ்டர்’ படத்தில் நடிக்கவில்லை: குக் வித் கோமாளி’ புகழ்
குக் வித் கோமாளி சீசன் 2 நிகழ்ச்சியில் கலந்துகொண்ட கோமாளிகளில் ஒருவராகிய புகழ் ’நல்ல வேலை நான் ‘மாஸ்டர்’ படத்தில் நடிக்கவில்லை என பேட்டியில் கூறியிருப்பது பெரும் பரபரப்பை ஏற்படுத்தி உள்ளது,
குக் வித் கோமாளி சீசன் 1 மூலம் பிரபலமானவரும் தற்போது சீசன் 2 நிகழ்ச்சியில் கோமாளியாக நடித்துக் கொண்டிருப்பவர் புகழ். இவருக்கு ஏராளமான ரசிகர்கள் குவிந்து வருகிறார்கள் என்பதும் இவரது டைமிங் காமெடி அனைவரையும் ரசிக்க வைக்கும் அளவில் உள்ளது என்பது குறிப்பிடத்தக்கது.
இந்த நிலையில் குக் வித் கோமாளி சீசன் 2 ஆரம்பிக்க இருந்த நிலையில் தளபதி விஜய்யின் ‘மாஸ்டர்’ படத்தில் நடிக்க லோகேஷ் கனகராஜ் இடம் இருந்து அழைப்பு வந்ததாகவும், ‘மாஸ்டர்’ படமா? குக் வித் கோமாளி சீசன் 2ஆ? என்ற குழப்பத்தில் இருந்த புகழ் கடைசியில் குக் வித் கோமாளி நிகழ்ச்சியை தேர்வு செய்ததாகவும் பேட்டி ஒன்றில் கூறியுள்ளார். இந்த நிகழ்ச்சி தான் தனக்கு பேரும் புகழும் கொடுத்தது என்றும் இந்த சீசனில் மேலும் கொஞ்சம் மக்கள் மத்தியில் பிரபலமாகி விட்டு அதன் பிறகு சினிமாவுக்கு போகலாம் என்று நினைத்து குக் வித் கோமாளி நிகழ்ச்சியை தேர்வு செய்தேன் என்று கூறினார்.
‘மாஸ்டர்’ படத்தில் நான் நடித்திருந்தால் கூட நான் அவ்வளவாக பிரபலமாகி இருக்க மாட்டேன் என்றும் குக் வித் கோமாளி நிகழ்ச்சி என்னை வேற லெவலுக்கு கொண்டு போய் விட்டுள்ளது என்றும் எனவே ‘மாஸ்டர்’ படத்தில் நல்ல வேளை நான் நடிக்கவில்லை என்றும் கூறினார்.
ஆனால் அதே நேரத்தில் தளபதி விஜய்யுடன் நடிக்க வேண்டும் என்பது எனது வாழ்நாள் கனவு என்றும் கண்டிப்பாக அவரது திரைப்படத்தில் நடிக்க எனக்கு வாய்ப்பு கிடைக்கும் என நம்பிக்கையோடு இருக்கிறேன் என்று கூறினார். தற்போது அருண் விஜய் நடிப்பில் ஹரி இயக்க இருக்கும் படத்தில் நடிக்க புகழ் ஒப்பந்தமாகியுள்ளார் என்பது குறிப்பிடத்தக்கது.