சினிமா
அம்மா.. அம்மா.. நீ எங்க அம்மா.. குக் வித் கோமாளி பிரபலம் பவித்ரா லட்சுமி அம்மா காலமானார்
சமீபத்தில் பல நடிகர்கள் மற்றும் நடிகைகள் தங்கள் அம்மாவுடன் அன்னையர் தினம் கொண்டாடிய நிலையில், தனது அம்மாவை இழந்திருக்கிறார் குக் வித் கோமாளி பிரபலமும் நடிகையுமான பவித்ரா லக்ஷ்மி.
அம்மா இறந்து 7 நாட்கள் ஆகிறது. இன்னமும் அவரது நினைவில் இருந்து மீள முடியாமல் தவித்து வருகிறேன். சிங்கிள் பேரன்ட்டாக தன்னை வளர்த்து ஆளாக்கியவர் தனது அம்மா என்றும் கடந்த 2 ஆண்டுகளாக உடல்நலக்குறைவு காரணமாக அவதிப்பட்டு வந்த அவர் கடந்த வாரம் காலமானார் என பவித்ரா லட்சுமி மிகவும் உருக்கமாக பதிவிட்டுள்ள இன்ஸ்டாகிராம் போஸ்ட் ரசிகர்களை சோகத்தில் ஆழ்த்தி உள்ளது.
தனது அம்மாவுடன் எடுத்துக் கொண்ட அழகிய புகைப்படங்களை ஷேர் செய்து அம்மாவின் உயிரிழப்பால் எதுவுமே செய்ய முடியாமல் தவித்து வருகிறேன் என பவித்ரா லக்ஷ்மி பதிவிட்டுள்ளார்.
சீரியல் நடிகையாக இருந்த பவித்ரா லக்ஷ்மி விஜய் டிவியின் குக் வித் கோமாளி நிகழ்ச்சியில் கலந்து கொண்டு பிரபலமானார்.
குக் வித் கோமாளி நிகழ்ச்சியில் இருந்து வெளியேறிய பவித்ரா லக்ஷ்மிக்கு சதீஷ் ஹீரோவாக நடித்த நாய் சேகர் ரிட்டர்ன்ஸ் படத்தில் ஹீரோயினாக நடிக்கும் வாய்ப்பு கிடைத்தது. ஆனால், எதிர்பார்த்த அளவுக்கு அந்த படம் ஓடவே இல்லை. மேலும், ஒரு சில பட வாய்ப்புகள் கிடைத்து வரும் நிலையில், ஹீரோயினாக வலம் வருகிறார்.