இந்தியா
இந்து மத உணர்வுகளை புண்படுத்தியதா காண்டம் விளம்பரம்? நீதிமன்றம் அதிரடி உத்தரவு!
சமீபத்தில் வெளியான காண்டம் விளம்பரம் இந்து மதத்தை புண்படுத்துவதாக வழக்கு பதிவு செய்யப்பட்டு இருந்த நிலையில் இந்த வழக்கு குறித்து நீதிமன்றம் அதிரடி தீர்ப்பு கூறியுள்ளது.
குஜராத்தில் மிகவும் புனிதமாக கர்பா என்ற நடனத்த் நடனமாடும் ஜோடி ஆணுறை விளம்பரத்தில் இடம்பெற்றுள்ளதாகவும் இது இந்து மத உணர்வுகளை புண்படுத்தும் வகையில் இருப்பதாகவும் மத்திய பிரதேச மாநில ஐகோர்ட்டில் வழக்கு ஒன்றை பதிவு செய்யப்பட்டது.
இந்த வழக்கில் காண்டம் விளம்பரம் இந்து மத உணர்வுகளை புண்படுத்தும் வகையில் உள்ளதாகவும் இந்த விளம்பரத்தை தடை செய்ய வேண்டும் என்றும் மனுதாரர் தெரிவித்திருந்தார்.
இந்த வழக்கு மத்திய பிரதேச ஐகோர்ட்டில் விசாரணைக்கு வந்தபோது அந்த விளம்பர வீடியோவை பார்த்து நீதிபதி இந்த விளம்பரத்தை பார்க்கும் போது இந்து சமூகத்தினரின் உணர்வுகளை புண்படுத்தும் வகையில் எந்த வகையிலும் இல்லை என்று தெரிவித்துள்ளார்.
மேலும் இந்த காண்டம் தயாரித்தவர் இந்து மதத்தை சேர்ந்தவர் என்றும் அவர் தனது அடையாளத்தை மறக்காமல் இந்த விளம்பரத்தில் பதிவு செய்திருக்கிறார் என்றும் தனது தயாரிப்பை விளம்பரப்படுத்துவது மட்டுமே அவரது நோக்கமாக இருந்திருக்கிறது என்றும் இந்து மதம் உட்பட எந்த மதத்தையும் புண்படுத்தும் நோக்கம் இந்த விளம்பரத்தில் தெரியவில்லை என்றும் நீதிபதி தெரிவித்துள்ளார்.
எனவே இந்த விளம்பர படத்துக்கு எதிராக பதிவு செய்யப்பட்ட முதல் தகவல் அறிக்கை ரத்து செய்யப்படுவதாக நீதிபதி தனது தீர்ப்பில் தெரிவித்துள்ளார். இந்த தீர்ப்பு பரபரப்பை ஏற்படுத்தியது.
