தமிழ்நாடு
கம்யூனிஸ்ட் கட்சியின் மூத்த தோழர் நல்லகண்ணுவுக்கு கொரோனா தொற்று!
தமிழகத்தில் கடந்த சில நாட்களாக கொரோனா வைரஸ் மிக வேகமாக பரவி வரும் நிலையில் அப்பாவி மக்களை மட்டுமன்றி பல அரசியல் தலைவர்களையும் திரையுலக பிரபலங்களையும் கொரோனா பாதித்து வருகிறது. கடந்த சில நாட்களாக கிரிக்கெட் வீரர்களையும் கொரோனா விட்டு வைக்கவில்லை என்பது குறிப்பிடத்தக்கது.
இந்த நிலையில் தற்போது வந்துள்ள தகவலின் படி இந்திய கம்யூனிஸ்ட் கட்சியின் மூத்த தலைவரும் சுதந்திர போராட்ட தியாகியுமான நல்லகண்ணுவுக்கு கொரோனா உறுதி செய்யப்பட்டுள்ளது. இதனையடுத்து அவர் சென்னை ராஜீவ்காந்தி அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார்.
நல்லகண்ணுவுக்கு கொரோனா என்ற தகவல் கம்யூனிஸ்ட் கட்சியினவர்களை பெரும் அதிர்ச்சியை ஏற்படுத்தி உள்ளது. இந்த நிலையில் நல்லகண்ணுவுக்கு சிகிச்சை அளித்துவரும் மருத்துவர்கள் அவருக்கு லேசாக நுரையீரலிலும் பாதிப்பு ஏற்பட்டுள்ளதாக தகவல் தெரிவித்துள்ளனர். மேலும் நல்லகண்ணுவுக்கு 95 வயது என்பதால் அவர் மருத்துவர்களின் தீவிர் கண்காணிப்பில் இருப்பதாகவும் அவரது உடல் நிலை குறித்து அவ்வப்போது மருத்துவர்கள் கண்காணித்து வருவதாகவும் தகவல்கள் வெளிவந்துள்ளன.
