சினிமா செய்திகள்
கோமாளி நைட் அட் தி மியூசியம் படத்தின் காப்பியா?
ஜெயம்ரவியின் கோமாளி படத்தின் ஒவ்வொரு லுக்கையும் கடந்த 8 நாட்களாக ஒவ்வொரு பிரபலங்களை வைத்து வெளியிட்டு வருகின்றனர். நேற்று மாலை 8வது லுக்கை நடிகர் ஜீவா வெளியிட்டார்.
கோமாளி படத்தில் ஜெயம் ரவி 9 கெட்டப்புகளில் நடித்துள்ளார் என்று அறிவிக்கப்பட்டிருந்தது. ஒவ்வொரு லுக்கும் ஒவ்வொரு காலக்கட்டத்தை பிரதிபலிப்பதாக இருந்தன. நேற்று வெளியிடப்பட்ட 8வது லுக்கில் ஒரு மியூசியத்தில் வாட்ச்மேன் வேலை பார்ப்பவராக ஜெயம் ரவி காட்சியளிக்கிறார்.
ஹாலிவுட் படமான நைட் அட் தி மியூசியம் படத்தின் காப்பியா இந்த படம் என்ற கேள்வியை நேற்று வெளியான 8வது லுக் தூண்டி உள்ளது.
நைட் அட் தி மியூசியம் படத்தில் பகல் நேரத்தில் மியூசியமாக இருக்கும் இடத்தில், இரவு நேரத்தில், அந்த பொக்கிஷ உருவங்கள் உயிர்த்தெழுந்து அட்டகாசம் செய்யும். ஆரம்பத்தில் இந்த படம் டைம் மெஷின் படமா? என்ற சந்தேகம் தோன்றியது நேற்று வெளியான இந்த போஸ்டரின் மூலம் நைட் அட் தி மியூசியம் படத்தின் தழுவலா என்ற சந்தேகம் பிறந்துள்ளது.
விரைவில் இதுகுறித்த விளக்கத்தை படக்குழுவினர் அறிவிப்பார்கள் என்று எதிர்பார்க்கப்படுகிறது. இந்த படத்தில் ஜெயம் ரவிக்கு ஜோடியாக காஜல் அகர்வால் நடித்துள்ளார்.