சினிமா
நானும் வாரிசு படத்துக்கு போட்டியா வரலாமா? வால்டர் வீரய்யா மூலம் சிரஞ்சீவி செய்த சம்பவம்!
மெகா ஸ்டார் சிரஞ்சீவியின் மகன் ராம்சரண் நடிப்பில் கடந்த ஆண்டு ராஜமெளலி இயக்கிய ஆர்ஆர்ஆர் திரைப்படம் வெளியாகி மிகப்பெரிய வசூல் வேட்டையை நடத்தியது. 1100 கோடி வசூல் செய்து சாதனை படைந்த அந்த படம் ஆஸ்கர் போட்டியில் மும்முரமாக உள்ளது.
அதே நேரம் கடந்த ஆண்டு அப்பா சிரஞ்சீவி உடன் மகன் ராம்சரண் இணைந்து நடித்த ஆச்சார்யா படம் படு தோல்வியை சந்தித்தது. ஆனாலும், தொடர்ந்து மகனுக்கு போட்டியாக ஹீரோவாக இந்த வயதிலும் சிரஞ்சீவி அடுத்தடுத்த படங்களில் நடித்து வருகிறார்.
ராம்சரணின் அடுத்த படம் வெளியாவதற்கு முன்னதாகவே வால்டர் வீரய்யா படத்துடன் இந்த பொங்கலுக்கு வாரிசு படத்துக்கு போட்டியாக வந்து இறங்கி உள்ளார் சிரஞ்சீவி. அந்த படத்தின் அதிரடியான ட்ரெய்லர் இன்று வெளியானது.
ஏற்கனவே மோகன் ராஜா இயக்கத்தில் சல்மான் கான், நயன்தாரா உடன் இணைந்து நடித்த சிரஞ்சீவியின் காட் ஃபாதர் திரைப்படமும் 100 கோடி வரை வசூல் அள்ளியது. அடுத்த வேதாளம் படத்தின் தெலுங்கு ரீமேக்கிலும் நடித்து வருகிறார் சிரஞ்சீவி.
முன்னதாக வெளியான பாலகிருஷ்ணாவின் வீரசிம்மா ரெட்டி ட்ரெய்லர் ஒரு பக்கம் வாரிசு படத்துக்கு பெரும் போட்டியாக மாறி உள்ள நிலையில், வால்டர் வீரய்யா படத்தின் ட்ரெய்லரும் தெறிக்கவிடுகிறது.
சிரஞ்சீவி, ஸ்ருதிஹாசன், பிரகாஷ் ராஜ், நாசர், கேத்தரின் தெரசா மற்றும் ரவி தேஜா என நட்சத்திர பட்டாளமே இந்த படத்தில் இணைந்து நடித்துள்ளனர்.
டோலிவுட்டில் இந்த முறை விஜய்யின் வாரிசு படம் மிகப்பெரிய வரவேற்பை பெறுமா அல்லது பாலகிருஷ்ணாவின் வீரசிம்மா ரெட்டி மற்றும் சிரஞ்சீவியின் வால்டர் வீரய்யா வெல்லுமா என பெரிய போட்டியே தொடங்கி விட்டது.