சினிமா
வைரமுத்துவின் போட்டோவை போட்டு மீண்டும் சீண்டும் சின்மயி!
பிரபல கவிஞர் வைரமுத்து மீது பிரபல பின்னணி பாடகி சின்மயி சில மாதங்களுக்கு முன்னர் மீடூ மூலம் பாலியல் குற்றச்சாட்டுகளை முன்வைத்தார். இது தமிழகம் மற்றும் சினிமா உலகில் பெரும் அதிர்வலைகளை ஏற்படுத்தியது.
இதனையடுத்து சமூகவலைதளங்களில் இது தொடர்பான விவாதங்கள் அனல் பறந்தது. வைரமுத்துவுக்கு ஆதராவாக சிலரும், சின்மயிக்கு ஆதரவாக சிலரும் கருத்துக்களை தெரிவித்து வந்தனர். இந்நிலையில் நாட்கள் செல்ல செல்ல இந்த விவகாரத்தை அனைவரும் மறந்துவிட்டனர். இந்நிலையில் மீண்டும் சின்மயி வைரமுத்து புகைப்படத்தை வெளியிட்டு அவரை சீண்டு விதமாக பதிவிட்டுள்ளார்.
சின்மயி தனது டுவிட்டர் பக்கத்தில், சிறந்த பாடலாசிரியருக்கான எம்ஜிஆர், சிவாஜி விருது வாங்கிய வைரமுத்துவின் புகைப்படத்தை வெளியிட்டு, எம்ஜிஆர், சிவாஜி விருதுகள் PRO Stalwarts ஒருங்கிணைக்கிறது. நான் இதனை உண்மையிலேயே மதிக்கிறேன். சென்ற வருடம் சிறந்த பாடல் வரிகளில் பல பாடல்கள் வெளிவந்தன. நான் பாடிய 96 படத்திற்காக இதனை சொல்லவில்லை. உமா தேவி, கார்திக் நேதா… என பெரிய பட்டியலே உள்ளது. ஆனால் என்று குறிப்பிட்டு டிஸ்லைக் எமோஜியை பதிவிட்டுள்ளார்.
அதாவது வைரமுத்துவுக்கு சிறந்த பாடலாசிரியர் விருது வழங்கியது தவறானது என மறைமுகமாக சுட்டிக்காட்டியுள்ளார் சின்மயி. இதனையடுத்து சின்மயியை பலரும் இந்த விவகாரத்தில் டுவிட்டரில் விமர்சித்து வருகின்றனர்.
