தமிழ்நாடு
இன்று சந்திர கிரகணம்.. தமிழகத்தில் எங்கு எல்லாம் தெரியும்?
2022-ம் ஆண்டின் சந்திர கிரகணம் நவம்பர் 8-ம் தேதி நடைபெற உள்ளது. சந்திர கிரகணம் எப்போது பூர்ணிமா திதியில் நடைபெறுகிறது.
சூரியனும் சந்திரனும் பூமிக்கு நேர் எதிர் பக்கத்தில் இருக்கும் போது சந்திர கிரகணம் ஏற்படுகிறது.
இந்த முறை முழு சந்திர கிரகணத்தை மக்களால் பார்க்க முடியும்.
இன்று எந்த நாடுகளில் எல்லாம் சந்திர கிரகணத்தைக் காண முடியும்?
இன்று நடைபெற உள்ள சந்திர கிரகணம் இந்தியா மற்றும் பிற ஆசிய நாடுகள், ஆஸ்திரேலியா, வட அமெரிக்கா, வடக்கு மற்றும் கிழக்கு ஐரோப்பாவின் சில பகுதிகள், தென் அமெரிக்காவின் பெரும்பாலான பகுதிகளில் தெரியும்.
தமிழகத்தில் மதுரை, சென்னை உள்ளிட்ட இடங்களில் சந்திர கிரகணத்தைக் காண முடியும். இந்தியாவில் கோஹிமா, அகர்தலா, குவாஹாத்தி, கொல்கத்தா, புவனேஸ்வர், சிலிகுரி, பாட்னா, ராஞ்சி, டெல்லி, அகமதாபாத், பெங்களூரு, மும்பை, நாக்பூர், ஸ்ரீநகர், நொய்டா, குருகிராம், சண்டிகர், ஹைதராபாத், சென்னை, சூரத், புனே, ஜெய்ப்பூர், லக்னோ, மதுரை, உதய்பூர் போன்ற இடங்களில் சந்திர கிரகணத்தைக் காண முடியும்.
எத்தனை மணிக்கு சந்திர கிரகணம் நடைபெறும்?
இந்தியாவில் சூரியன் 6:05 மணிக்கு உதயம் ஆகும் என்பதால் 6:05 மணி முதல் 6:18 மணி வரையில் பகுதி நேர சந்திர கிரணத்தை காண முடியும்.
முழு சந்திர கிரகணம் மதியம் 2:39 மணி முதல் மாலை 5:11 மணி வரையில் நடைபெறும்.
நிலவு என்ன நிறத்தில் தெரியும்?
இன்று சந்திர கிரகணம் நடைபெறும் நேரத்தில் நிலவு சிவப்பு நிறத்தில் காணப்படும் என தெரிவிக்கப்பட்டுள்ளது.
அடுத்த சந்திர கிரகணம் எப்போது நடைபெறும்?
அடுத்த சந்திர கிரகணம் 2025 மார்ச் 14-ம் தேதி நடைபெறும். பகுதி நேர சந்திர கிரகணம் 2023 அக்டோபர் மாதம் நடைபெறும்.