இந்தியா
பள்ளி நேரம் மாற்றப்படுகிறதா? மத்திய அரசு புதிய அறிவிப்பு
பள்ளி நேரத்தை மாற்றி அமைக்க மாநில அரசுகளுக்கு மத்திய அரசு அறிவித்துள்ளதாக தகவல் வெளியாகியுள்ளது.
கடந்த சில நாட்களாக வரலாறு காணாத வெப்பம் உள்ளது என்பதும் வெயில் கொளுத்தி வருகிறது என்பதையும் பார்த்து வருகிறோம். தமிழகம் உள்பட பல மாநிலங்களில் வெப்பம் அதிகரித்து வருவதன் காரணமாக ஒரு சில மாநிலங்களில் பள்ளி நேரம் மாற்றப்பட்டுள்ளதாக தகவல் வெளியாகியுள்ளது.
காலை 7 மணி முதல் 10 மணி வரையிலும் 7 மணி முதல் 12 மணி வரையிலும் ஒருசில மாநிலங்களில் பள்ளி நேரம் மாற்றப்பட்டுள்ளது. தமிழகம் உள்பட இன்னும் பல மாநிலங்களில் பள்ளி நேரம் மாற்றப்படாமல் இருக்கும் நிலையில் மத்திய அரசு பள்ளி நேரத்தை மாற்ற அறிவுறுத்தி உள்ளது.
காலை 7 மணிக்கு வகுப்புகளை தொடங்கி நண்பகலுக்குள் பள்ளி வகுப்புகளை முடிக்குமாறு மாநில அரசுகளுக்கு மத்திய கல்வி அமைச்சகம் அறிவுறுத்தியுள்ளது. வெப்பத்தின் தாக்கம் அதிகரித்து வருவதால் மத்திய அரசின் வழிகாட்டு நெறிமுறைகளை மாநில அரசின் கல்வித் துறைகள் பின்பற்ற வேண்டும் என அறிவுறுத்தப்பட்டுள்ளது.
