இந்தியா
நீங்கள் கனரா வங்கி வாடிக்கையாளரா? உங்களுக்கு ஒரு அதிர்ச்சி தகவல்!
வங்கியில் நமது பணத்தை போட்டு வைத்தால் பாதுகாப்பாக இருக்கும் என்று நினைப்பில் நாம் ஒரு வங்கி கணக்கு தொடங்கி பணத்தை அதில் போட்டு வைத்தால் வங்கி நிர்வாகம் பல்வேறு கட்டணங்களை நாம் தலையில் திணித்து நம்முடைய பணத்தை குறைத்துக் கொண்டே வருகிறது.
அந்த வகையில் தற்போது கனரா வங்கி தனது வாடிக்கையாளர்களுக்கு அதிர்ச்சி தரும் வகையில் பல்வேறு கட்டணங்களை உயர்த்தி உள்ளது. இது குறித்த தகவலை தற்போது பார்ப்போம்.
கனரா வங்கி டெபிட் கார்டுகளின் சேவைக் கட்டணத்தை உயர்த்தியுள்ளது. வரும் பிப்ரவரி 13, 2023 முதல் டெபிட் கார்டுகளுக்கு வருடாந்திர வருடாந்திர கட்டணம், கார்டுகளை மாற்றுதல், டெபிட் கார்டு செயலற்ற கட்டணம் மற்றும் SMS கட்டணங்கள் ஆகியவற்றின் மீதான சேவைக் கட்டணங்களை உயர்த்தியுள்ளதாக வங்கி தெரிவித்துள்ளது. மேலே குறிப்பிட்டுள்ள சேவைக் கட்டணங்களுக்கு பொருந்தக்கூடிய வரிகளும் கூடுதலாக வசூலிக்கப்படும் என்று கனரா வங்கி ஒரு அறிக்கையில் தெரிவித்துள்ளது.
கனரா வங்கி கிளாசிக் அல்லது ஸ்டாண்டர்ட் டெபிட் கார்டுகளுக்கு ஆண்டு கட்டணம் ரூ.125ல் இருந்து 200ஆக உயர்த்தப்பட்டுள்ளது. பிளாட்டினம் மற்றும் வணிக அட்டைகளுக்கு முறையே ரூ.250ல் இருந்து ரூ.500 ஆகவும், ரூ.300 முதல் ரூ.500 ஆகவும் உயர்ந்துள்ளது.
கனரா வங்கி கிளாசிக் அல்லது ஸ்டாண்டர்ட் டெபிட் கார்டுகளுக்கான டெபிட் கார்டு மாற்றுக் கட்டணத்தை ரூ.150 ஆக உயர்த்தியுள்ளது. பிளாட்டினம், பிசினஸ் மற்றும் தேர்ந்தெடுக்கப்பட்ட கார்டுகளுக்கான கட்டணத்தை ரூ.50ல் இருந்து ரூ.150 ஆக கனரா வங்கி உயர்த்தியுள்ளது.
கனரா வங்கி வணிக டெபிட் கார்டுகளைப் பயன்படுத்துபவர்களுக்கு, ஆண்டுக்கு 300 ரூபாய் மட்டுமே கட்டணமாக விதிக்கப்படும் என்று தெரிவித்துள்ளது. மேலும் எஸ்.எம்.எஸ் கட்டணம் காலாண்டுக்கு ரூ.15 என வசூலிக்கப்படும்.
