காஜல் கூட ஓடிப் போகணுமா? இதோ அதற்கான வழி!

காஜல் அகர்வால் நடிப்பில் உருவாகியுள்ள பாரிஸ் பாரிஸ் படத்தின் டீஸர் வெளியாகி பெரும் சர்ச்சையை கிளப்பியது. மேலும், டீஸரில் அவர் பேசும் சில வசனங்கள் சர்ச்சையை கிளப்பின.

இந்நிலையில், மீண்டும் காஜல் அகர்வால் பற்றிய செய்தி வந்துள்ளது. ஆனால், இது சர்ச்சை செய்தி அல்ல, மாறாக மாரத்தான் போட்டிக்கு அனைவரையும் காஜல் அழைக்கும் விழிப்புணர்வு செய்தி.

டாடா கன்சல்டன்ஸி நிறுவனம் சார்பில், 16-வது முறையாக வரும் ஜனவரி 20 ஆம் தேதி மும்பையில் மாரத்தான் போட்டியை நடைபெற உள்ளது.

இந்த மாரத்தானில் அனைவரும் கலந்துகொள்ள காஜல் அகர்வால் அழைப்பு விடுத்துள்ளார். “இந்த முறை நான் பழங்குடியின விளையாட்டுத்துறை முன்னேற்றத்துக்காக 2019 டாடா மும்பை மாரத்தானில் கலந்துகொள்கிறேன். அரக்குவில் உள்ள பழங்குடியினருக்கு அவர்களது விளையாட்டுத்துறை உள்கட்டமைப்பு மேம்படவும், திறமை வாய்ந்த பழங்குடியின விளையாட்டு ஆளுமைகளுக்குச் சக்தி வாய்ந்த உணவு கிடைத்திடவும் வேண்டும்” என்று காஜல் தனது அறிவிப்பில் தெரிவித்துள்ளார்.