சினிமா செய்திகள்
மாதவன் பட ஒளிப்பதிவாளர் காலமானார்: டுவிட்டரில் இரங்கல்
பிரபல இயக்குனர் கௌதம் மேனன் இயக்கிய முதல் திரைப்படமான ’மின்னலே’ என்ற திரைப்படத்தின் ஹிந்தி ரீமேக் திரைப்படம் Rehnaa Hai Terre Dil Mein. இந்த திரைப்படம் கடந்த 2001ஆம் ஆண்டு பாலிவுட்டில் ரிலீசாகி மிகப்பெரிய வரவேற்பைப் பெற்றது என்பது குறிப்பிடத்தக்கது.
மாதவன், தியா மிர்சா, சயீப் அலிகான் உள்பட பலர் நடித்திருந்த இந்தப் படத்திற்கும் தமிழில் இசை அமைத்த ஹாரிஸ் ஜெயராஜ் இசையமைத்து இருந்தார் என்பது குறிப்பிடத்தக்கது. இந்த படத்திற்கு ஜான்னி லால் என்பவர் ஒளிப்பதிவு செய்திருந்தார். இவர் பாலிவுட்டின் முன்னணி ஒளிப்பதிவாளர் என்பது குறிப்பிடத்தக்கது.
இந்த நிலையில் ஒளிப்பதிவாளர் ஜான்னிலால் சற்றுமுன் காலமானதாக அறிவிக்கப்பட்டுள்ளது. இதனையடுத்து மாதவன் தனது டுவிட்டரில் ஒளிப்பதிவாளர் ஜான்னிலால் அவர்களுக்கு தனது இரங்கலை தெரிவித்துள்ளார்.
மிகவும் திறமையான ஒரு ஒளிப்பதிவாளர் என்றும், அவரை திரை உலகம் இழந்து விட்டது என்றும், அவரது குடும்பத்தினருக்கு எனது ஆழ்ந்த இரங்கல் என்றும், அவரது மறைவு எனது இதயத்தை நொறுக்கிவிட்டது என்றும், அவருக்கு சொர்க்கத்தில் இடம் கிடைக்கும் என்றும் அவரது ஆத்மா சாந்தி அடையட்டும் என்று மாதவன் தனது டுவிட்டரில் குறிப்பிட்டுள்ளார்.
The Saga of tragedies continues & we lost a wonderful man-The DOP of RHTDM. RIP Johny Lal sir.Your gentleness,kindness and brilliance will be so missed. You so beautifully managed to bring out our souls in RHTDM & now yours makes its way to the heavens. Heartbroken and aghast.???? pic.twitter.com/301Jj59uMA
— Ranganathan Madhavan (@ActorMadhavan) April 22, 2021