பாஜகவினர் தன்னை மிரட்டுகின்றனர். நடிகர் சித்தார்த் திடுக்கிடும் புகார்

பாஜகவினர் தன்னை தொலைபேசி மூலம் மிரட்டுவதாக நடிகர் சித்தார்த் தனது டுவிட்டரில் புகார் அளித்திருப்பது பெரும் பரபரப்பை ஏற்படுத்தி உள்ளது.

கடந்த சில நாட்களுக்கு முன்னர் உத்தரப் பிரதேச மாநில முதல்வர் யோகி ஆதித்யநாத் அவர்கள் கொரோனா வைரஸ் பாதிப்பு குறித்து பொய் சொல்கிறார் என்றும் பொய் சொல்பவர்கள் யாராக இருந்தாலும் கன்னத்தில் அறைய வேண்டும் என்றும் தெரிவித்திருந்தார். அவருடைய இந்த கருத்து பெரும் சலசலப்பை ஏற்படுத்தியது.

இந்த நிலையில் கடந்த இரண்டு நாட்களில் தன்னுடைய மொபைல் எண்ணுக்கு மிரட்டல் புகார் வருவதாகவும் அதில் தன்னையும் தனது குடும்பத்தினரையும் பாலியல் வன்முறை கொலை மிரட்டல் ஆகியவை குறித்து மிரட்டி வருவதாகவும் தெரிவித்துள்ளார்.

https://twitter.com/Actor_Siddharth/status/1387653507814072325

இரண்டு நாட்களில் 500 க்கும் மேற்பட்ட மிரட்டல்கள் வந்ததாகவும் அந்த மிரட்டல்கள் அனைத்தையும் தான் ரெக்கார்டு செய்து வைத்துள்ளதாகவும் அதனை காவல்துறையிடம் ஒப்படைத்து தகுந்த நடவடிக்கை எடுக்க புகார் அளிக்கப் போவதாகவும் அவர் தெரிவித்துள்ளார். நடிகர் சித்தார்த்தின் இந்த ட்விட்டரும் பரபரப்பை ஏற்படுத்தி உள்ளது.

https://twitter.com/Actor_Siddharth/status/1387657671826837505