இந்தியா
சட்டப் பேரவையில் ஆபாசப் படம் பார்த்த பாஜக எம்எல்ஏ: புளூஜேபி… அசிங்கம்…
திரிபுரா மாநில சட்டப்பேரவையில் பாஜக எம்எல்ஏ ஒருவர் ஆபாசப்படம் பார்த்துகொண்டிருந்த வீடியோ வெளியாகி பெரும் பரபரப்பை ஏற்படுத்தியுள்ளது. இந்த வீடியோவை டுவிட்டரில் பகிர்ந்துள்ள நடிகர் பிரகாஷ் ராஜ் பாஜகவை, புளூஜேபி… அசிங்கம்… ச்சீ.. ச்சீ.. கர்மம் என விமர்சித்துள்ளார்.
இந்த ஆண்டு நடைபெற்ற திரிபுரா மாநில சட்டப் பேரவை தேர்தலில் பாக்பாசா தொகுதியில் பாஜக சார்பில் போட்டியிட்டு வெற்றி பெற்றார் ஜதாப் லால் நாத். இவர் சட்டப் பேரவையில் கூட்டம் நடந்து கொண்டிருந்தபோது தனது டேப்லெட்டில் ஆபாசப் படம் பார்த்துள்ளார். இது தொடர்பான வீடியோ சமூக வலைத்தளங்களில் வெளியாகி வைரலாகி வருகிறது.
சட்டப்பேரவையில் எம்எல்ஏ ஒருவர் ஆபாசப்படம் பார்த்தது சர்ச்சையை ஏற்படுத்தியுள்ள நிலையில் சமூக வலைத்தளங்களில் இதற்கு பலரும் கண்டனம் தெரிவித்து வருகின்றனர். நடிகர் பிரகாஷ் ராஜ், பாஜக எம்எல்ஏ ஆபாசப் படம் பார்த்த வீடியோவை தனது ட்விட்டர் பக்கத்தில் பகிர்ந்து விமர்சித்துள்ளார். இதற்கு முன்னர் கர்நாடகா, ஒடிசா போன்ற மாநில சட்டப்பேரவையில் எம்எல்ஏக்கள் ஆபாசப் படம் பார்த்து சர்ச்சையில் சிக்கியது குறிப்பிடத்தக்கது.