இந்தியா
நாடு முழுவதும் 282 தொகுதிகளில் பாஜக மட்டும் தனித்து முன்னிலை!
![Modi and Amit Shah - Bhoomitoday](https://www.bhoomitoday.com/wp-content/uploads/2019/05/Modi-and-Amit-Shah.jpg)
நாடு முழுவதும் நடந்து முடிந்த மக்களவை தேர்தலில் பதிவான வாக்கு எண்ணிக்கை பணி இன்று காலை 8 மணி முதல் நடைபெற்று வருகிறது. இதில் மத்தியில் பாஜக தலைமையிலான கூட்டணி அதிக இடங்களில் முன்னிலை பெற்றுவருகிறது. குறிப்பாக பாஜக தனித்து அதிக இடங்களில் முன்னிலையில் உள்ளது.
மொத்தம் உள்ள 542 தொகுதிகளில் 542 தொகுதிகளுக்கான முன்னிலை நிலவரமும் வெளியாகி உள்ளது. இதில் பாஜக தலைமையிலான கூட்டணி 326 இடங்களிலும், காங்கிரஸ் தலைமையிலான கூட்டணி 106 இடங்களிலும், மற்ற கட்சிகள் 110 இடங்களிலும் முன்னிலை வகிக்கிறது.
பாஜக கூட்டணியில் பாஜக மட்டுமே தனித்து 282 தொகுதிகளில் முன்னிலை பெற்று வருகிறது. தனிபெரும்பான்மைக்கு 272 இடங்களே போதுமான நிலையில் பாஜக அதை விட 10 இடங்கள் அதிகமாக பெற்று 282 தொகுதிகளில் முன்னிலை பெற்று வருகிறது. பாஜக கூட்டணி கட்சிகளான சிவசேனா 19, ஐக்கிய ஜனதாதளம் 15, லோக் ஜன்சக்தி 5 தொகுதிகளிலும் முன்னிலை பெற்றுள்ளது.