சினிமா
பிகில் பட ஆடியோ வெளியீட்டுக்கு புதிய போஸ்டர் வெளியீடு…
விஜய் நடிப்பில் உருவாகியுள்ள பிகில் படத்தின் விஜய் தன்னுடைய கையில் விஜய் நிற்பது போன்ற ஆடியோ வெளியீட்டுக்கான புதிய போஸ்டர் தற்போது வெளியாகியுள்ளது. தீ பிடித்த புட்பால்கள் சூழ கைலி மற்றும் தன்னுடைய புட் பால் டீம் டீ-சர்ட்டுடன் மாஸாக நிற்கிறார் விஜய்.
பிகில் படத்தின் ஆடியோ வெளியீடு செப்.19ம் தேதி சென்னையில் ஸ்ரீ சாய்ராம் பொறியியல் கல்லூரியில் நடைபெற உள்ளது. அந்த நிகழ்ச்சி சன் டிவியில் செப்.22ம் தேதி அதாவது ஞாயிறு மாலை 6:30க்கு ஒளிபரப்பாகிறது.
இதற்கிடையே விஜய் ஆடியோ வெளியீட்டுக்கு வரும் ரசிகர்கள் பேனர், கட்-அவுட் ஏதும் வைக்கக் கூடாது என உத்தரவிட்டுள்ளார். சமீபத்தில் பள்ளிகரணையில் அதிமுக நிர்வாகி வைத்த பேனரால் சுபஸ்ரீ என்ற இளம் பெண் உயிரிழந்ததை தொடர்ந்து அரசியல் கட்சியினர், நடிகர்கள் உட்பட பலரும் பேனர், கட்-அட் வைக்க கூடாது என உத்தரவிட்டுள்ளனர்.
அட்லி இயக்கத்தில் விஜய் மூன்றாவது முறையாக விஜய் நடிக்கின்றார். இதில் நயன்தாரா, யோகி பாபு, ஜாகி ஜெராப், கதிர் மற்றும் விவேக் ஆகியோர் நடித்துள்ளனர். இசை ஏ.ஆர்.ரஹ்மான். இரட்டை வேடத்தில் புட் பால் கோச்சாக விஜய் நடித்துள்ள இந்தப் படம் தீபாவளிக்கு வெளியாகும் என எதிர்பார்க்கப்படுகிறது.
