சினிமா செய்திகள்
ஆகஸ்டில் பிகில் ஃபர்ஸ்ட் சிங்கிள் ரிலீஸ்!
அட்லி இயக்கத்தில் விஜய் நடிப்பில் உருவாகியுள்ள பிகில் திரைப்படம், வரும் தீபாவளி சரவெடியாக ரிலீசாகிறது. இந்நிலையில், படத்தின் முதல் சிங்கிள் வரும் ஆகஸ்ட் மாதமே வெளியாகும் என்ற அறிவிப்பு வெளியாகியுள்ளது.
விஜய், நயன்தாரா, ஜாக்கி ஷெராஃப், கதிர், இந்துஜா, விவேக் மற்றும் யோகிபாபு என நட்சத்திர பட்டாளமே நடித்துள்ள பிகில் படத்தின் டைட்டில் மற்றும் முதல் மூன்று லுக் போஸ்டர்கள் விஜய்யின் பிறந்தநாளை முன்னிட்டு வெளியாகி வைரலானது.
இந்நிலையில், பிகில் படத்தின் ஷூட்டிங் வரும் ஜூலை மாதத்துடன் முடிவு பெற உள்ளதால், ஆகஸ்ட் மாதமே முதல் சிங்கிளை வெளியிட படக்குழு முடிவு செய்துள்ளது.
மேலும், படத்தின் வெளிநாட்டு உரிமையை வாங்க பல முன்னணி நிறுவனங்கள் போட்டிப் போட்டுள்ளன. அதில், யுனைடெட் இந்தியா எக்ஸ்போர்ட்டர்ஸ் மற்றும் எக்ஸ் ஜென் நிறுவனம் இணைந்து பெரும் தொகைக்கு உரிமத்தை பெற்றுள்ளனர் என்ற செய்தியும் கிடைத்துள்ளது.