சினிமா செய்திகள்
பிக்பாஸ் 5 தொடங்கும் தேதி: ரசிகர்கள் மகிழ்ச்சி!
பிக்பாஸ் தமிழ் சீசன் 5 தொடங்கும் தேதி குறித்த தகவல் கசிந்துள்ளதை அடுத்து ரசிகர்கள் மிகவும் மகிழ்ச்சி அடைந்துள்ளனர்.
விஜய் டிவியில் ஒளிபரப்பாகும் நிகழ்ச்சிகளில் ஒன்று பிக்பாஸ் என்பதும் இந்த நிகழ்ச்சி ஏற்கனவே ஒளிபரப்பப்பட்ட நான்கு சீசன்களில் பெரும் வரவேற்ப்பை பெற்றது என்பதும் தெரிந்ததே. இதுவரை ஆரவ், ரித்விகா, முகின் ராவ் மற்றும் ஆரி ஆகிய நால்வர் பிக்பாஸ் நிகழ்ச்சியில் டைட்டில் வின்னர்களாக அறிவிக்கப்பட்டு உள்ளனர் என்பது குறிப்பிடத்தக்கது.
இந்த நிலையில் பிக்பாஸ் ஐந்தாவது சீசன் விரைவில் தொடங்கப்படும் என்று செய்திகள் வெளியான நிலையில் சற்று முன் இந்த நிகழ்ச்சி அக்டோபர் 3ஆம் தேதி தொடங்கும் என்று கூறப்பட்டு வருகிறது. மேலும் விஜய் டிவியின் டுவிட்டர் பக்கத்தில் இன்று மாலை 5.55 மணிக்கு பிக்பாஸ் நிகழ்ச்சி குறித்த முக்கிய அறிவிப்பு வெளியாக இருப்பதாகவும் பதிவு செய்யப்பட்டுள்ளது. அனேகமாக பிக்பாஸ் லோகோ இன்று மாலை அறிவிக்கப்படும் என்று எதிர்பார்க்கப்படுகிறது.
இந்த நிலையில் பிக்பாஸ் நிகழ்ச்சிக்கான போட்டியாளர்கள் விறுவிறுப்பாக தயாராகி வருகிறார்கள் என்றும் குக் வித் கோமாளி, மிஸ்டர் அண்ட் மிஸஸ் சின்னத்திரை போன்ற விஜய் டிவி நிகழ்ச்சிகளில் கலந்து கொண்டவர்கள் சிலரும் திரையுலகினர் மற்றும் அரசியல்வாதிகள் சிலரும் போட்டியாளர்களாக தேர்வு செய்யப்படுவார்கள் என்று எதிர்பார்க்கப்படுகிறது.
மேலும் இந்த முறையை பிரம்மாண்டமான செட், வித்தியாசமான விதிமுறைகள், ஆகியவையும் பிக்பாஸ் நிகழ்ச்சியில் இருக்கும் என்று கூறப்படுகிறது. மேலும் கமலஹாசன் இந்த நிகழ்ச்சியை தொகுத்து வழங்குவார் என்பது சமீபத்தில் இந்த நிகழ்ச்சியின் புரோமோ படப்பிடிப்பு நடைபெற்றது என்பது குறிப்பிடத்தக்கது.
???? 5:55 pm ???? pic.twitter.com/krUVWXexXH
— Vijay Television (@vijaytelevision) August 31, 2021