பிக்பாஸ் படப்பிடிப்பு: கமல்ஹாசனின் அட்டகாசமான புகைப்படங்கள் வைரல்!

விஜய் டிவியில் கடந்த 4 ஆண்டுகளாக ஒளிபரப்பப்பட்டு வரும் பிக்பாஸ் நிகழ்ச்சி ரசிகர்கள் மத்தியில் நல்ல வரவேற்ப்பை பெற்றது என்பதும் இந்த நிகழ்ச்சிக்கு கோடிக்கணக்கான ரசிகர்கள் உள்ளனர் என்பதும் தெரிந்ததே.

மேலும் இந்த நிகழ்ச்சியில் கலந்து கொண்ட போட்டியாளர்கள் மிகப்பெரிய அளவில் பிரபலமடைந்ததால், இந்த நிகழ்ச்சியில் கலந்து கொள்ள பலர் முன் வந்து கொண்டிருக்கின்றனர் என்பது குறிப்பிடத்தக்கது.

இந்த நிலையில் ஏற்கனவே நான்கு சீசன்கள் முடிந்த நிலையில் இந்த ஆண்டு ஐந்தாவது சீசன் விரைவில் தொடங்கும் என்றும் அதற்கான போட்டியாளர்கள் தேர்வு நடைபெற்று வருவதாகவும் கூறப்பட்டது. குக் வித் கோமாளி மற்றும் மிஸ்டர் அண்ட் மிஸஸ் சின்னத்திரை நிகழ்ச்சியில் கலந்துகொண்ட போட்டியாளர்களின் சிலர் பிக்பாஸ் சீசன் 5 நிகழ்ச்சியில் கலந்து கொள்வார்கள் என்று எதிர்பார்க்கப்படுகிறது.

இந்த நிலையில் பிக்பாஸ் சீசன் 5 நிகழ்ச்சியையும் கமல்ஹாசன் தொகுத்து வழங்குவார் என்று கூறப்பட்ட நிலையில் இதற்கான புரமோ படப்பிடிப்பு சமீபத்தில் நடந்தது. இந்த படப்பிடிப்பில் கமலஹாசன் கலந்துகொண்ட புகைப்படங்கள் தற்போது வைரலாகி வருகிறது என்பது குறிப்பிடத்தக்கது. கமல்ஹாசன் வித்தியாசமான கெட்டப்பில் இந்த பிக்பாஸ் நிகழ்ச்சியில் தோன்ற உள்ளார் என்பது இந்த புகைப்படங்களில் இருந்து தெரியவருகிறது.

மேலும் பிக்பாஸ் புரமோ படப்பிடிப்பை முடித்துவிட்டு கமல்ஹாசன் காரைக்குடியில் நடைபெறும் ’விக்ரம்’ படத்தின் படப்பிடிப்புக்காக கிளம்பி உள்ளதாகவும் தகவல்கள் வெளியாகி உள்ளது.