‘பிக்பாஸ்’ வீட்டில் ஹிட்டான பாடலை வெளியிடும் ஜிவி பிரகாஷ்!

பிக்பாஸ் வீட்டில் சூப்பர் ஹிட்டான பாடல் ஒன்றை நடிகரும் இசையமைப்பாளருமான ஜிவி பிரகாஷ் வெளியிட உள்ளதாக அறிவிக்கப்பட்டுள்ளது.

பிக்பாஸ் சீசன் 3 நிகழ்ச்சியின் டைட்டில் வின்னர் முகின் என்பதும் அவர் நடித்துவரும் திரைப்படங்களில் ஒன்று ’வேலன்’ என்பதும் தெரிந்ததே. இந்த படத்தின் படப்பிடிப்பு முடிவடைந்து போஸ்ட் புரொடக்ஷன் பணிகள் முடிவடைந்ததை அடுத்து இந்த படம் வரும் டிசம்பர் 24ஆம் தேதி திரையரங்குகளில் வெளியாக உள்ளதாக அறிவிக்கப்பட்டுள்ளது.

மேலும் இந்த திரைப் படத்திற்கு சென்சார் அதிகாரிகள் ’யு’ சான்றிதழ் அளித்துள்ளனர் என்பதும் குறிப்பிடத்தக்கது. இந்த நிலையில் இந்த படத்தில் இடம்பெற்ற சிங்கிள் பாடல் ஒன்று கடந்த சில வாரங்களுக்கு முன் வெளியானது என்பதும் அந்த பாடல் மிகப் பெரிய அளவில் வைரல் ஆனது என்பதும் குறிப்பிடத்தக்கது.

இந்த நிலையில் இந்த படத்தின் 2வது பாடலான ’சத்தியமா சொல்லுறேன்டி’ என்ற பாடல் நாளை காலை 11 மணிக்கு வெளியாக உள்ளது. இந்த பாடலை நடிகரும் இயக்குனருமான ஜிவி பிரகாஷ் வெளியிட உள்ளதாக அறிவிக்கப்பட்டுள்ளது. பிக்பாஸ் நிகழ்ச்சியின்போது முகின் இந்த பாடலை பாடினார் என்பதும், இந்த பாடலால் தான் முகினுக்கு டைட்டில் பட்டமே கிடைத்தது என்றும் கூறப்படுவதுண்டு.

முகின் ஜோடியாக மீனாட்சி கோவிந்தராஜன் நடித்துள்ள இந்த படத்தில் பிக்பாஸ் ஷிவாங்கி, சூரி உள்பட பலர் நடித்து வருகின்றனர் என்பதும் இந்த படத்தை கவின் என்பவர் இயக்கியுள்ளார் என்பது குறிப்பிடத்தக்கது.

seithichurul

See Full Bio