சினிமா செய்திகள்
‘பிக்பாஸ்’ டைட்டில் வின்னர் முகென் படத்தை இயக்குகிறார் கவின்!
![mugenrao - Bhoomitoday](https://www.bhoomitoday.com/wp-content/uploads/2021/02/mugenrao.jpg)
பிக்பாஸ் சீசன் 3 டைட்டில் வின்னர் முகென் ஒரு திரைப்படத்தில் ஹீரோவாக நடிக்க இருப்பதாக கடந்த சில வாரங்களாக தகவல்கள் வெளிவந்த நிலையில் தற்போது அந்த செய்தி உறுதி செய்யப்பட்டுள்ளது.
பிக்பாஸ் முகென் நடிக்கவிருக்கும் புதிய படத்திற்கு ’வேலன்’ என்ற டைட்டில் வைக்கப்பட்டுள்ளது என்பதும் இந்த படத்தின் படப்பிடிப்பு கடந்த சில நாட்களாக விறுவிறுப்பாக நடைபெற்று வருகிறது என்பது குறிப்பிடத்தக்கது.
முகென் ஜோடியாக மீனாட்சி என்ற நடிகை நடிக்கும் இந்த படத்தில் இளையதிலகம் பிரபு, சூரி, தம்பி ராமையா, ஸ்ரீரஞ்சனி, சுஜாதா உள்பட பலர் நடித்து வருகின்றனர். ஸ்கைமேன் பிலிம்ஸ் இன்டர்நேஷனல் என்ற நிறுவனம் இந்த படத்தை தயாரித்து வருகிறது.
இந்த படத்தை கவின் என்பவர் இயக்குகிறார். இவர் பிக்பாஸ் சீசன் 3 நிகழ்ச்சியில் முகென் உடன் கலந்து கொண்ட நடிகர் கவின் அல்ல என்பதும் இவர் ஒரு அறிமுக இயக்குனர் என்பதும் குறிப்பிடத்தக்கது. இந்த படத்தின் பர்ஸ்ட் லுக் மற்றும் டீசர் விரைவில் வெளியாகும் என்று படக்குழுவினர் தெரிவித்துள்ளனர்