டிவி
பிக்பாஸ் வீட்டிலிருந்து வெளியேறிய மகேஸ்வரிக்கு ஒரு நாள் சம்பளம் எவ்வளவு தெரியுமா?
பிக்பாஸ் சீசன் 6 நிகழ்ச்சி 36 நாட்களை கடந்து வெற்றிகரமாக ஓடிக்கொண்டு இருக்கிறது.
முந்தைய சீசன்கள் போல இல்லாமல் நடப்பு சீசன் மிகவும் பரபரப்பாக உள்ளது.
எவிஷன் ஆகி வெளியாகுபவர்களும் மக்கள் கணிப்புப் படி வெளியேறி வருகிறார்கள். கமல்ஹாசனும் தவறு செய்யும் போட்டியாளர்களைக் கிழித்துத் தொங்கவிட்டு விடுகிறார்.
சென்ற வாரம் பிக் பாஸ் போட்டியாளர்களுக்கு ஸ்விட் ஃபேக்ட்ரி டாஸ்க் கொடுக்கப்பட்டது. அதில் அதிக பணம் சம்பாதித்து தனலட்சுமி அணியினர் வெற்றிபெற்றதாக அறிவிக்கப்பட்டு இருந்தது.
ஆனால் அவர்கள் எதிர் அணியினரின் நேர்மையான ஆட்டத்தைத் தவிர்த்து மோசடியாக விளையாடினர். அதை நான் ஏற்றுக்கொள்ள மாட்டேன் என்று கூறிய கமல், அவர்கள் வெற்றியை பறித்தார். உடனே குளியலறை என்று நீண்ட நேரம் தனலட்சுமி அழுதுகொண்டு இருந்தார். பின்னர் அவரை வீட்டில் இருப்பவர்கள் சமாதனப்படுத்தினர்.
இப்படி ஒவ்வொரு நாளும் பிக்பாஸ் நிகழ்ச்சி பரபரப்பாக உள்ள நிலையில், சென்ற வாரம் நாமினேஷனில் தேர்வு செய்பவர்களுக்கான எவிக்ஷன் ஞாயிற்றுக்கிழமை நடைபெற்றது.
அதில் ராம் வெளியேறுவார் என்று முதலில் கணிக்கப்பட்டு இருந்த நிலையில், மகேஸ்வரி வெளியேற்றப்பட்டார். மகேஸ்வரி வெளியேறும் போது தான் தனது மகனுடன் சுற்றுலா செல்ல உள்ளதாகக் கூறியிருந்தார்.
இந்நிலையில் மகேஸ்வரிக்கு பிக் பாஸ் நிகழ்ச்சியில் பங்கேற்றதற்காக ஒரு நாளுக்கு 23 ஆயிரம் சம்பளம் பேசப்பட்டதாகவும், மொத்தம் அவர் இருந்த 25 நாட்களுக்கும் சேர்த்து 8 லட்சம் ரூபாய் சம்பளமாக வழங்கப்பட்டுள்ளதாகவும் கூறுகின்றனர்.
