சினிமா செய்திகள்
பட வாய்ப்புப் பெற்ற ‘பிக்பாஸ்’ சுரேஷ் சக்கரவர்த்தி- பிரபல இயக்குநர் உடன் இணைந்தார்!
பிக்பாஸ் சுரேஷ் சக்கரவர்த்தி பிரபல இயக்குநர் ஒருவரின் படத்தில் நடிக்க ஒப்பந்தம் ஆகியுள்ளார்.
நடிகர் அர்ஜுன் தாஸ் ஹீரோவாக நடிக்கும் படம் ஒன்றில் முக்கியக் கதாபாத்திரம் ஒன்றில் சுரேஷ் சக்கரவர்த்தி நடிக்கிறார். கைதி படம் மூலம் தமிழ் சினிமாவில் அறிமுகம் ஆனவர் நடிகர் அர்ஜுன் தாஸ். கைதி படத்தில் சிறிது நேரமே திரையில் தோன்றினாலும் தனது குரலால் ரசிகர்களை வளைத்துப் போட்டுவிட்டார் அர்ஜுன் தாஸ். அதன் பின்னர் கைதி படத்தை இயக்கிய இயக்குநர் லோகேஷ் கனகராஜே அடுத்து தளபதி விஜய்-ன் மாஸ்டர் படத்தை இயக்க அதிலும் முக்கிய துணை கதாபாத்திரத்தில் நடித்து தனது ரசிகர்கள் வட்டத்தை பெரிதுபடுத்தி உள்ளார்.
தற்போது அர்ஜுன் தாஸ் ஹீரோ ஆக புதிய படம் ஒன்றில் நடிக்க ஒப்பந்தம் ஆகியுள்ளார். அர்ஜுன் தாஸை ஹீரோவாகக் கொண்டு இயக்குநர் வசந்தபாலன் தான் படம் தயாரிக்க உள்ளார். இயக்குநர் வசந்தபாலன் புதிதாக அர்பன் பாய்ஸ் என்னும் தயாரிப்பு நிறுவனத்தைத் தொடங்கி உள்ளார். அந்த நிறுவனத்தின் முதல் படத்திலேயே ஹீரோ ஆகியுள்ளார் அர்ஜுன் தாஸ்.
இந்தப் படத்தில் தனக்குக் கிடைத்துள்ள வாய்ப்பு குறித்து சுரேஷ் சக்கரவர்த்தி தனது இன்ஸ்டாகிராம் பக்கத்தில் வீடியோ ஒன்றைப் பதிவு செய்துள்ளார்.