சினிமா செய்திகள்
பிக்பாஸ் கவின் உடன் ஜோடி சேர்ந்த ‘குக்கு வித் கோமாளி’ பிரபலம்..!
![bigboss kavin-2 - Bhoomitoday](https://www.bhoomitoday.com/wp-content/uploads/2021/02/bigboss-kavin-2.jpg)
பிக்பாஸ் தமிழ் சீசன் 3 நிகழ்ச்சி மூலம் பிரபலம் ஆனவர் நடிகர் கவின். இவர் தனது புது படம் ஒன்றுக்காக ‘குக்கு வித் கோமாளி’ பிரபலம் ஒருவருடன் ஜோடி சேர்ந்துள்ளார்.
பிக்பாஸ் கவின் முதலின் விஜய் டிவி-யில் ஒளிபரப்பான சரவணன் மீனாட்சி தொடரின் மூலம் மிகவும் பிரபலம் அடைந்தார். அதன் பின்னர் நட்புனா என்னனு தெரியுமா? என்னும் திரைப்படத்தின் மூலம் சினிமா ஹீரோ ஆனார். அதன் பின்னர் பிக்பாஸ் தமிழ் சீசன் 3 நிகழ்ச்சி மூலம் காதல் மன்னனாக தமிழ் மக்களிடம் கம்பேக் கொடுத்தார்.
கொரோனா கட்டுப்பாடுகளுக்கு முன்னர் ‘பிகில்’ அம்ரிதா ஐயர் உடன் இணைந்து ‘லிஃப்ட்’ என்னும் படத்தில் நடித்து முடித்திருந்தார். அந்தப் படம் தற்போது வெளியீட்டுக்குத் தயாராக உள்ளது. இந்த சூழலில் புதிதாக ஒரு படத்தில் ஹீரோ ஆகியுள்ளார் கவின்.
இந்தப் புதிய படத்தில் கவினுக்கு ஜோடியாக ‘குக்கு வித் கோமாளி’ சீசன் 2 போட்டியாளர் பவித்ரா லக்ஷ்மி கமிட் ஆகியுள்ளார். இந்தப் படத்துக்கான படப்பிடிப்பு தற்போது நடந்து வருவதால் மே அல்லது ஜூன் மாதம் இந்தப் படம் திரைக்கு வரும் எனக் கூறப்படுகிறது.