பேட்மேன் படத்தில் இருந்து வெளியேறிய பென் அஃப்லெக்!

1950களில் இருந்து பல பேட்மேன் நடிகர்கள் மாறிவிட்டார்கள். கடந்த 2016ல் வெளியான பேட்மேன் vs சூப்பர்மேன் மற்றும் ஜஸ்டிஸ் லீக் படங்களில் பேட்மேனாக நடித்த பென் அஃப்லெக்கும் இனி பேட்மேன் கதாபாத்திரத்தில் நடிப்பதில் இருந்து வெளியேறி விட்டார்.

2021ம் ஆண்டு ஜூன் 25ம் தேதி பேட்மேனின் அடுத்த பாகம் வெளியாகவுள்ளதாக வார்னர் பிராஸ் மற்றும் டிசி காமிக்ஸ் அறிவித்து விட்டது. ஆனால், படத்தில் பேட்மேனாக பென் அஃப்லெக் நடிக்கவில்லை என்ற அதிர்ச்சி தகவலும் கூடவே வெளியாகியுள்ளது.

2021ல் வெளியாகவுள்ள பேட்மேன் படத்திற்கான கதை மற்றும் இயக்கத்தை மேட் ரீவ்ஸ் என்பவர் கையாள்கிறார். இவர், இளமையான பேட்மேன் கதாபாத்திரத்தை உருவாக்கியுள்ளதே பேட்மேன் படத்தில் இருந்து பென் அஃப்லெக் வெளியேறுவதற்கான உண்மையான காரணமாக அறிவிக்கப்பட்டுள்ளது.

புதிய பேட்மேன் யார் என்ற தகவலை விரைவில் அதிகாரபூர்வமாக டிசி அறிவிக்கும் என எதிர்பார்க்கப்படுகிறது. பென் அஃப்லெக்கின் ரசிகர்களுக்கு இந்த அறிவிப்பு நிச்சயம் பெரிய ஏமாற்றத்தையே அளிக்கும் என்பதில் சந்தேகமில்லை.