சினிமா செய்திகள்
பீஸ்ட் டிரைலர்: 6000 பார்வையாளர்கள் 77 ஆயிரம் லைக்ஸ் எப்படி?
தளபதி விஜய் நடித்த பீஸ்ட் திரைப்படத்தின் தமிழ் டிரைலர் சமீபத்தில் வெளியாகி மிகப்பெரிய அளவில் வரவேற்பு பெற்றது என்பதும் வலிமை படத்திற்கு கிடைத்த 23 நாட்களுக்குரிய பார்வையாளர்களின் மொத்த எண்ணிக்கையை பீஸ்ட் திரைப்படத்தின் டிரைலர் ஒரே நாளில் பெற்று இருப்பதாகவும் கூறப்பட்டது.
இந்த நிலையில் பீஸ்ட் திரைப்படத்தின் இந்தி டிரைலர் நேற்று வெளியானது. தமிழில் மிகப் பெரிய வரவேற்பு கிடைத்தாலும் ஹிந்தி டெய்லருக்கு பெரிய அளவில் வரவேற்பு கிடைக்கவில்லை. பல மணி நேரங்கள் ஆன பின்னரும் இந்த படத்தின் ட்ரெய்லருக்கு ஒருசில ஆயிரங்கள் பார்வையாளர்களே கிடைத்துள்ளனர் .
ஆனால் அதே நேரத்தில் இந்த டிரைலருக்கு 77 ஆயிரம் லைக்ஸ் கிடைத்துள்ளதாகவும், அது எப்படி சாத்தியம் எனவும் நெட்டிசன்கள் கேள்வி எழுப்புகின்றனர். இந்த படத்தின் டிரெய்லரை பார்க்காமலேயே லைக் மட்டும் செய்துவிட்டு போயிருக்கலாம் என்றும் ஒரு சிலர் கருத்து தெரிவித்தாலும் லைக்கை பணம் கொடுத்து கூட வாங்கி இருக்கலாம் என்றும் கூறப்பட்டு வருகிறது .
அப்படியென்றால் பீஸ்ட் தமிழ் டிரைலரின் பார்வையாளர்களையும் பணம் கொடுத்துதான் வாங்கப்பட்டதா? என்ற கேள்வியை நெட்டிசன்கள் எழுப்பி வருவதால் பரபரப்பு ஏற்பட்டுள்ளது .
தமிழ் தெலுங்கு உள்பட தென்னிந்தியாவில் பீஸ்ட் திரைப்படம் மிகப் பெரிய வெற்றி பெற வாய்ப்பு என்றும் ஆனால் அதே நேரத்தில் ஹிந்தியில் பெரிய வெற்றியை பெற வாய்ப்பில்லை என்றும் டிரேடிங் வட்டாரங்கள் கூறுகின்றன.
