சூப்பர் ஸ்டார் நடிகரின் அடுத்த படத்தில் இணைந்த ‘பீஸ்ட்’ நாயகி!

தளபதி விஜய்யின் ‘பீஸ்ட்’ படத்தில் நாயகியாக நடித்து வரும் பூஜா ஹெக்டே, அடுத்ததாக பிரபல சூப்பர்ஸ்டார் நடிகரின் படத்தில் அவருக்கு ஜோடியாக நடிக்க ஒப்பந்தமாகியிருக்கும் தகவல் திரையுலகில் பெரும் பரபரப்பை ஏற்படுத்தியுள்ளது.

தளபதி விஜய் நடித்து வரும் ‘பீஸ்ட்’ படத்தில் நாயகியாக பூஜா ஹெக்டே நடித்து வருகிறார் என்பதும் விஜய், பூஜா ஹெக்டே சம்பந்தமான படப்பிடிப்புகள் தற்போது சென்னையில் நடைபெற்று வருகிறது என்பதும் குறிப்பிடத்தக்கது.

இந்த நிலையில் பிரபல சூப்பர் ஸ்டார் நடிகர் மகேஷ் பாபு நடிக்கும் அடுத்த படத்தில் நாயகி பூஜா ஹெக்டே தான் நாயகி என்பது அதிகாரப்பூர்வமாக அறிவிக்கப்பட்டுள்ளது. மகேஷ்பாபு இன்று தனது பிறந்தநாளை கொண்டாடி வருவதை அடுத்து அவருடைய அடுத்த படத்தின் அறிவிப்பை படக்குழுவினர் அதிகாரபூர்வமாக வெளியிடுள்ளனர்.

பிரபல தெலுங்கு இயக்குனர் த்ரிவிக்ரம் இயக்கவிருக்கும் இந்த படத்திற்கு தமன் இசையமைக்கவுள்ளதாகவும், இந்த படத்தில் மகேஷ்பாபு ஜோடியாக பூஜா ஹெக்டே நடிக்க இருப்பதாகவும் அறிவிக்கப்பட்டுள்ளது. இதனால் அவருடைய ரசிகர்கள் உற்சாகத்தில் துள்ளி குதித்து வருகின்றனர்.

ஏற்கனவே பூஜா ஹெக்டே தெலுங்கு மெகா ஸ்டார் சிரஞ்சீவி நடித்து வரும் ’ஆச்சாரியா’ திரைப்படத்திலும் பாகுபலி நாயகன் பிரபாஸ் நடித்துவரும் ’ராதேஷ்யாம்’ படத்திலும் நடித்து வருகிறார் என்பது குறிப்பிடத்தக்கது. இதனை அடுத்து தற்போது மகேஷ்பாபுவின் அடுத்த படத்திலும் நாயகி ஆகியுள்ளதை அடுத்து ஒரே நேரத்தில் சிரஞ்சீவி, பிரபாஸ், மகேஷ்பாபு, விஜய் ஆகிய நான்கு பிரபலங்களுடன் அவர் நடித்து வருகிறார் என்பது குறிப்பிடத்தக்கது.

seithichurul

See Full Bio