சினிமா
புத்தாண்டுக்கு விஜய் ரசிகர்களுக்கு ஒரு சர்ப்பரைஸ்.. பீஸ்ட் அப்டேட்….
நடிகர் விஜய் நடித்துவரும் ‘பீஸ்ட்’ படத்தின் படப்பிடிப்பு விறுவிறுப்பாக நடைபெற்று வருகிறது. சென்னை கோகுலம் ஸ்டுடியோவில் இந்த படத்தின் இறுதிக்கட்ட படப்பிடிப்பு நடைபெற்று வருவதாகவும் இன்னும் ஒரு சில நாட்களில் இந்த படத்தின் ஒட்டுமொத்த படப்பிடிப்பும் முடிந்து விடும் என்றும் கூறப்பட்டு வருகிறது.
சமீபத்தில் பூஜா ஹெக்டே மற்றும் அபர்ணாதாஸ் ஆகிய இருவருமே தங்களது பகுதியின் படப்பிடிப்பு முடிந்துவிட்டதாக கூறியிருந்தனர். பூஜா ஹெக்டே ஒரு வீடியோ வெளியிட்டு இப்படம் ஒரு சிறப்பான அனுபவம் எனக் கூறியிருந்தார். அதேபோல், விஜய் நடிக்கும் காட்சிகளும் படமாக்கி முடிக்கப்பட்டுள்ளது. எனவே, அவருக்கு நெல்சன் கட்டியணைத்து அன்பை காட்டி விடை கொடுத்தார். அப்போது எடுக்கப்பட்ட புகைப்படம் வெளியாகி வைரலானது.
இந்நிலையில், பீஸ்ட் படத்தின் ஃபர்ஸ்ட் சிங்கிள் அதாவது பீஸ்ட் படத்தில் இடம் பெற்ற பாடல் ஒன்றை வருகிற ஜனவரி 1ம் தேதி புத்தாண்டு அன்று வெளியாகும் என செய்திகள் கசிந்துள்ளது. இது விஜய் ரசிகர்களை குஷிப்படுத்தியுள்ளது.