சினிமா செய்திகள்
டிக்கெட் விலை ரூ.500 முதல் ரூ.2000 வரை: முதல் நாளில் பீஸ்ட் வசூல் ரூ.100 கோடியை நெருங்குமா?
பீஸ்ட் படத்தின் முதல் நாள் முதல் காட்சியின் டிக்கெட் விலையை ரூபாய் 500 முதல் 2000 வரை விற்கப்படுவதாகவும் இதனால் முதல் நாளில் இந்த படத்தின் வசூல் 100 கோடியை நெருங்கும் வாய்ப்பு இருப்பதாக கூறப்படுவதால் பரபரப்பு ஏற்பட்டுள்ளது.
தமிழகத்தில் பீஸ்ட் திரைப்படம் சுமார் 800 திரையரங்குகளில் திரையிடப்படுகிறது. அதேபோல் ஆந்திரா, தெலுங்கானா, கர்நாடகா, கேரளா, புதுவை மற்றும் வட மாநிலங்களிலும் இந்த படம் பெருவாரியான திரையரங்குகளில் வெளியாகிறது. மேலும் தடை செய்யப்பட்ட கட்டார் மற்றும் குவைத் தவிர உலகின் அனைத்து நாடுகளிலும் பீஸ்ட் திரைப்படம் வெளியாக உள்ளது என்பது குறிப்பிடத்தக்கது.
தமிழகத்தில் ஏற்கனவே மூன்று நாளுக்குரிய டிக்கெட்டுகள் முன்பதிவு முடிவடைந்த நிலையில் தற்போது ரசிகர் மன்ற காட்சி என்ற பெயரில் கொள்ளை விலையில் விக்கெட்டுகள் விற்பனையாகி வருவதாக தகவல்கள் வெளியாகியுள்ளன .
500 ரூபாய் முதல் 2000 வரை தமிழகத்தில் முதல்நாள் முதல் காட்சியில் ரசிகர் மன்ற டிக்கெட் விற்பனை ஆகி வருவதாகவும் இதன் காரணமாக முதல் நாள் வசூல் மிகப்பெரிய சாதனை செய்யும் என கூறப்படுவதால் தமிழ்த் திரையுலகில் பெரும் பரபரப்பு ஏற்பட்டுள்ளது.