சினிமா செய்திகள்
அயோக்யா ரிலீஸ் தேதி அறிவிப்பு!
நடிகர் விஷாலின் அயோக்யா படத்தின் ரிலீஸ் தேதி அறிவிக்கப்பட்டுள்ளது. அடுத்த மாதம் ஏப்ரல் 19ம் தேதி கோடை விடுமுறை கொண்டாட்டமாக இந்த படம் வெளியாகிறது. இதனை தற்போது தனது ட்விட்டர் பக்கத்தில் நடிகர் விஷால் தெரிவித்துள்ளார்.
லைட் ஹவுஸ் மூவி மேக்கர்ஸ் தயாரிப்பில் உருவாகி உள்ள அயோக்யா படத்தின் திரை வெளியீட்டு உரிமையை ஸ்க்ரீன் சீன் நிறுவனம் கைப்பற்றியுள்ளது. இயக்குநர் வெங்கட் மோகன் இயக்கத்தில் அதிரடி ஆக்ஷன் படமாக உருவாகியுள்ள அயோக்யா வரும் ஏப்ரல் 19ம் தேதி திரையரங்குகளில் வெளியாகும் என அதிகாரப்பூர்வமாக அறிவிக்கப்பட்டுள்ளது.
கடந்த ஆண்டு கோடை விடுமுறையில் வெளியான விஷாலின் இரும்புத்திரை நூறு நாட்களை கடந்து அவருக்கு மாபெரும் வெற்றியை ஈட்டி தந்தது.
அதே போன்ற ஒரு வெற்றியை அயோக்யா படமும் பெற்றுத் தரும் என நடிகர் விஷால் மற்றும் படக்குழுவினர் நம்பிக்கையுடன் உள்ளனர். அயோக்யா படத்திற்கு சாம். சி.எஸ் இசையமைத்துள்ளார். ரூபன் படத்தொகுப்பு பணிகளை செய்துள்ளார்.