சினிமா
மீண்டும் பிரபல இயக்குனருடன் இணையும் அதர்வா!
அதர்வா நடித்த ’100’ என்ற படத்தை இயக்கிய இயக்குனர் சாம் ஆண்டன் உடன் மீண்டும் அவர் இணைய இருப்பதாக தகவல்கள் வெளிவந்துள்ளன.
கடந்த 2019ஆம் ஆண்டு ஜிவி பிரகாஷ் நடிகராக அறிமுகமான ’டார்லிங்’ என்ற படத்தின் மூலம் இயக்குனராக அறிமுகமானவர் சாம் ஆண்டன். அதன்பிறகு இவர் ’எனக்கு இன்னொரு பெயர் இருக்கு’ என்ற திரைப்படத்தை இயக்கினார். அதர்வா நடிப்பில் இவர் இயக்கிய ’100’ திரைப்படம் மிகப் பெரிய வெற்றி பெற்றது என்பதும் குறிப்பிடத்தக்கது.
இந்த நிலையில் மீண்டும் அதர்வா நடிப்பில் ஒரு திரைப்படத்தை இயக்க சாம் ஆண்டன் முடிவு செய்துள்ளார். இந்த படத்தின் படப்பிடிப்பு வரும் மார்ச் மாதம் தொடங்க உள்ளது. காவல்துறை அதிகாரியான ஒருவர் ஒரு மிகப்பெரிய வழக்கை கையில் எடுத்த நிலையில் அந்த வழக்கை முடிக்காமல் அவர் ஓய்வு பெறுகிறார். அதனை அடுத்து அவரது மகன் அந்த வழக்கை எடுத்து முடிப்பது தான் இந்த படத்தின் கதை என்று சாம் ஆண்டன் கூறியுள்ளார்.
அதர்வாவின் தந்தை கேரக்டருக்கு முன்னாள் ஹீரோ ஒருவரிடம் பேச்சுவார்த்தை நடத்தப்பட்டு வருவதாகவும் விரைவில் இதுகுறித்த அறிவிப்பு வெளியாகும் என்றும் கூறியுள்ளார். அதேபோல் அதர்வா ஜோடியாக நடிக்க ஒரு முன்னணி நடிகை இடமும் பேச்சுவார்த்தை நடத்தப்பட்டு வருவதாக இயக்குனர் சாம் ஆண்டன் தெரிவித்தார்.
