தொழில்நுட்பம்
அசுஸ் ஜென்போன் மேக்ஸ் ப்ரோ எம்2 ஸ்மார்ட்போன் அறிமுகம்.!
அசுஸ் நிறுவனம், டிசம்பர் 11 ஆம் தேதி இந்திய சந்தையில் தனது புதிய அசுஸ் ஜென்போன் மேக்ஸ் ப்ரோ எம்2 ஸ்மார்ட்போன் மாடல்களை அறிமுகம் செய்யவுள்ளது. இந்த ஸ்மார்ட்போனுடன், அசுஸ் ஜென்போன் மேக்ஸ் எம்2 போனும் அறிமுகம் செய்யப்படலாம் என்று எதிர்பார்க்கப்படுகிறது.
அசுஸ் நிறுவனம் வெளியிட இருக்கும் புதிய அசுஸ் ஜென்போன் மேக்ஸ் ப்ரோ எம்2 மற்றும் அசுஸ் ஜென்போன் மேக்ஸ் எம்2 என்ற இரண்டு புதிய ஸ்மார்ட்போன் மாடல்களை டிசம்பர் 11 ஆம் தேதி வெளியிடும் என்ற தகவல் உறுதியாகியுள்ளது. அசுஸ் நிறுவனம் தனது அதிகாரப்பூர்வ டிவிட்டர் பக்கத்தில் அசுஸ் ஜென்போன் மேக்ஸ் ப்ரோ எம்2 ஸ்மார்ட்போன் இன் டீஸர் விடியோவை வெளியிட்டுள்ளது.
அசுஸ் நிறுவனம் அறிமுகம் செய்த அசுஸ் ஜென்போன் மேக்ஸ் ப்ரோ எம்1 ஸ்மார்ட் போன் அமோக வரவேற்பு பெற்றதை தொடர்ந்து, இந்திய சந்தையில் தனது அடுத்த இரண்டு புது மாடலான அசுஸ் ஜென்போன் மேக்ஸ் ப்ரோ எம்2 மற்றும் அசுஸ் ஜென்போன் மேக்ஸ் எம்2 ஸ்மார்ட்போன்களை அறிமுகம் செய்யவுள்ளது.
இந்த புதிய மாடல் ஸ்மார்ட்போன்கள் 6 ஜி.பி. அல்லது 8 ஜி.பி. ரேம் வசதி கொண்டிருக்கும் என எதிர்பார்க்கப்படுகிறது. இத்துடன் ஸ்னாப்டிராகன் 660 பிராசஸர் மற்றும் இரண்டு ஸ்மார்ட்போன்களும் ஸ்டாக் ஆன்ட்ராய்டு இயங்குதளத்துடன் இயங்குமென்றும் தெரியவந்துள்ளது. கூடுதல் சிறப்பாக இந்த ஸ்மார்ட் போன்கள் அனைத்தும் கார்னிங் கொரில்லா 6 கிளாஸ் அம்சத்துடன் கூடிய 18:9 முழு இன்பினிட்டி கொண்ட நாட்ச் டிஸ்ப்ளே வசதியுடன் 5000 எம்.ஏ.எச் பேட்டரியுடன் களமிறங்கவுள்ளது என்பது குறிப்பிடத்தக்கது.